आधुनिक व्यापार व्यवसायात व्यापार व उद्योगाचे स्वरुप अतिशय झपाट्याने बदलत आहे. आधुनिक तंत्रज्ञानामुळे उत्पादनाच्या पध्दतीतदेखील महत्त्वपुर्ण बदल घडत आहे. त्यामुळे व्यवसायाच्या यशस्वीतेसाठी उत्तम व्यवस्थापन ही अपरिहार्य गोष्ट झाली आहे. व्यवस्थापनाचे कार्य अधिक गुंतागुंतीचे होत असल्याने त्यातील व्यक्तींना विविध पातळीवर निर्णय घ्यावे लागतात, धोरणे ठरवावी लागतात. आवश्यक तेव्हा त्यात बदल करावे लागतात. निर्णयाची अंमलबजावणी करुन त्यावर देखरेख व नियंत्रण ठेवावे लागते. व्यवस्थापनाची ही विविध कामे करतांना संघटनेच्या कार्यालयाकडून उपलब्ध होणारी माहिती व इतर सेवा यांच्या मदतीशिवाय व्यवस्थापकाला आपली जबाबदारी पार पाडणे शक्य नाही.

सदर पुस्तकात आधुनिक कार्यालय, कार्यालय व्यवस्थापन, कार्यालयाची अंतर्गत रचना, कार्यपद्धती व कार्यप्रणाली, कार्यालयीन पर्यावरण, कार्यालय दस्तऐवजांचे व्यवस्थापन, कार्यालय संघटन, कार्यालयीन सेवा, कार्यालयीन स्टेशनरी आणि इतर सामग्री, स्वयंचलीत कार्यालय, सचिव पद्धती तसेच कार्यालयाच्या सभा इत्यादी गोष्टींवर सविस्तर चर्चा केलेली आहे. प्रस्तुत पुस्तकात आधुनिक कार्यालय व्यवस्थापन हा विषय अत्यंत सोप्या आणि जास्तीत जास्त प्रभावी व आकलनक्षम भाषेत मांडण्याचा प्रयत्न केलेला आहे.

Adhunik Karyalay Vyavsthapan Aani Sankalpana