मानवी जीवनाशी जाहिरातीचा नेहमी संबंध येतो. मानवाचा जाहिरातीशी संबंध केवळ वस्तू व सेवा यांना प्रसिद्धी देणे तसेच त्यांच्या निवडीला मदत करणे इतका मर्यादित नाही. तर सामाजिक, राजकीय, शासकीय, शैक्षणिक, कृषी अशी विविध क्षेत्रांशी जाहिरातीचा संबंध येतो. आज जाहिरात, आधुनिक तंत्रज्ञानामुळे आकर्षक होत आहे. वस्तू व सेवांची माहिती विविध जाहिरातीच्या माध्यमाद्वारे ग्राहकांच्या मान्सशास्त्राचा वापर करुन त्याला वस्तू खरेदी करण्यासाठी डावपेच आखले जातात. आजच्या जागतिकीकरण, उदारीकरण व खाजगीकरण यामुळे बाजारपेठ क्षेत्र आंतरराष्ट्रीय झाले आहे. अशा परिस्थितीत केवळ वस्तू दर्जेदार असणे आवश्यक नाही तर त्याविषयी माहिती परिणामकारकपणे पटवून देणे महत्त्वाचे कार्य जाहिरातीद्वारे केले जाते. या पुस्तकात जाहिरातीची ओळख, जाहिरात माध्यमे, जाहिरातीतील सर्जनशिलता, जाहिरात अंदाजपत्रक, जाहिरात संस्था, जाहिरातीचे नियमन आणि नियंत्रण या घटकांचा समावेश आहे.

Jahirat Tantra aani Vyuharchna

विपणन हे व्यवसायाचे एक कार्य आहे. प्रत्येक व्यवसायाला विपणन हे कार्य करावे लागते. विक्री आणि विपणन या दोन्ही संकल्पना वेगवेगळ्या आहेत. उत्पादित वस्तू आणि सेवा अंतिम ग्राहक किंवा उपभोक्त्यापर्यंत पोहचविण्यासाठी अनेक व्यावसायिक कार्ये (खरेदी, एकत्रिकरण, वाहतूक, साठवण, जाहिरात व प्रसिध्दी, विक्री इ.) करावी लागतात; यांचा समावेश विपणनात केला जातो. औद्योगिक क्रांतीनंतर कारखान्यात यंत्राच्या साहाय्याने मोठ्या प्रमाणावर मागणीपूर्व उत्पादन केले जाते. बाजारपेठेतील स्पर्धा, ग्राहक संख्येत होणारी वाढ या अनेक कारणांमुळे विपणनाची विविध कार्ये करावी लागतात. त्यामुळे विपणन संकल्पनेमध्ये बदल होत आहे. विपणन संकल्पनेचा उदय, पणन, विपणी अशा क्रमाने बदल झालेला दिसून येतो.

सदरील पुस्तकात विपणनाची ओळख, बाजारपेठ विभागीकरण आणि खरेदीदार वर्तन, विपणन मिश्र, वस्तु जीवन चक्र, विपणन रणनिती, सेवा विपणन आणि माहिती तंत्रज्ञानावर आधारीत विपणन व्यूहरचनाची ओळख या घटकांवर सविस्तर चर्चा अत्यंत सोप्या शब्दात केलेली आहे.

Vipanan Pranali Ani Vyuvrachana

या पुस्तकात व्यवसाय नियंत्रण, नेतृत्व, समन्वय, व्यवसाय पूर्वानूमान व क्रियात्मक संशोधन, उद्दिष्टनिष्ठ व्यवस्थापन आणि संचालन या घटकांवर सविस्तर चर्चा करण्यात आली आहे. या घटकासंबंधीची सविस्तर माहिती अत्यंत सोप्या व प्रभावी भाषेत मांडण्याचा आम्ही जास्तीत जास्त प्रयत्न केला आहे. आवश्यक त्याठिकाणी उदाहरणे व तक्ते यांचा उपयोग करण्यात आला आहे. तसेच विद्यार्थ्यांना स्वअध्ययनासाठी प्रत्येक प्रकरणाच्या शेवटी स्वाध्याय दिला आहे. त्यामुळे हा ग्रंथ आपल्यासारख्या चोखंदळ शिक्षक, अभ्यासक व विद्यार्थी वर्गाच्या अपेक्षा व इच्छा पूर्ण करेल असा, आत्मविश्वास आम्ही मनाशी बाळगून आहोत. या विषयाच्या अध्ययनामुळे व्यवस्थापनशास्त्राच्या उच्चस्तरीय अभ्यासक्रमाशी सांगड साधली जाणार आहे. या पुस्तकाचे लिखाण यु.जी.सी.च्या मार्गदर्शक तत्त्वानुसार करण्यात आले आहे. विद्यार्थी, प्राध्यापक आणि अन्य जिज्ञासु अभ्यासक या ग्रंथाचे सर्वातोपरी स्वागत करतील, असा विश्वास वाटतो.

Vyavasay Vyavasthapan (Bhag 2)