Your cart is empty now.
राष्ट्रीय शैक्षणिक धोरणानुसार Open Elective (OE) मध्ये ग्रंथालय आणि माहितीशास्त्र विषयाचा समावेश करण्यात आला असून या अभ्यासक्रमामुळे विद्यार्थ्यांना ग्रंथालयाचा इतिहास, ग्रंथालयांचे कार्य, ग्रंथालयातील सेवा आणि सुविधा यांची माहिती प्राप्त करण्यास मदत होईल. ग्रंथालय आणि माहितीशास्त्र विषयात असलेले विविध पैलू विद्यार्थ्यांना उच्च दर्जाचे लेखन व संशोधन कार्य करण्यास उपयुक्त ठरू शकेल. शैक्षणिक संदर्भासाठी, ऐतिहासिक पुराव्यासाठी, आधुनिक माहितीच्या शोधासाठी, मनोरंजनासाठी आणि व्यक्तिमत्व विकासासाठी ग्रंथालयाचा वापर किती महत्त्वाचा आहे हे देखील विद्यार्थ्यांच्या लक्षात येईल. सोशल मीडिया आणि इंटरनेट वरून माहिती प्राप्त करण्याऐवजी प्रत्यक्ष अधिकृत माहितीचे स्त्रोत कसे हाताळावे याची देखील समज विद्यार्थ्यांमध्ये निर्माण होईल. ग्रंथालय आपल्या वाचकांसाठी कोणकोणत्या सेवा उपलब्ध करून देतात याचा प्रत्यक्ष अनुभव त्यांना घेता येईल. ग्रंथालय व्यवस्थापन ही एक शास्त्रीय व्यवस्थापन पद्धती असून यामध्ये विविध तत्वांचा आणि मूल्यांचा वापर करून वाचकांना उच्च दर्जाचे संसाधने आणि सेवा सुविधा उपलब्ध करून दिल्या जातात. या सर्व बाबींची माहिती या पुस्तकांच्या माध्यमातून विद्यार्थ्यांना करून देण्यात येत आहे.
