पुस्तकाची मांडणी तीन प्रकरणांमध्ये पद्धतशीरपणे करण्यात आली असून, प्रत्येक प्रकरणात सविस्तर स्पष्टीकरणे, संबंधित उदाहरणे आणि व्यावहारिक उपयोजन दिले आहे:
प्रकरण 1 : यामध्ये जीपीएसची संकल्पना, त्याचा अर्थ आणि व्याख्या, त्याचे घटक (स्पेस, कंट्रोल आणि युजर सेगमेंट) आणि नागरी, नौकानयन, पर्यावरण, आपत्ती व्यवस्थापन, शहरी आणि ग्रामीण नियोजन, कृषी आणि लष्करी क्षेत्रातील व्याप्ती यांचा समावेश आहे. तसेच यामध्ये जीपीएस सर्वेक्षण, मॅपिंग आणि ‘भारतीय प्रादेशिक नौकानयन उपग्रह प्रणाली’ (IRNSS/NavIC) ची ओळख करून देण्यात आली आहे.

प्रकरण 2 : हे प्रकरण जीपीएस उपकरणांचे प्रकार आणि क्षेत्रीय सर्वेक्षण पद्धतींवर लक्ष केंद्रित करते. यात हँडहेल्ड (Handheld), डिफरेंशियल आणि हाय-प्रिसिजन जीपीएस रिसीव्हर्स, सॅटेलाइट सिग्नल्स आणि कोड्स, जीपीएस वेळ आणि समन्वय प्रणाली (Coordinate Systems)आणि स्टॅटिक, किनेमॅटिक व रिअल-टाइम सर्वेक्षण पद्धतींची चर्चा केली आहे. तसेच डेटा लॉगिंग (वेपॉइंट्स, रूट्स आणि ट्रॅक), जीपीएस उपकरणांच्या सहाय्याने सर्वेक्षण करणे आणि
सर्वेक्षण डेटाचे द्विमितीय व त्रिमितीय आलेखांमध्ये मॅन्युअल प्लॉटिंग कसे करावे, हे देखील स्पष्ट केले आहे.

प्रकरण 3: हे प्रकरण डेटा प्रोसेसिंग आणि मॅपिंगशी संबंधित आहे. यामध्ये डेटा इंपोर्ट करणे, GPX, KML आणि CSV सारख्या विविध फॉरमॅटमध्ये डेटा डाउनलोड करणे आणि व्यावसायिक व ओपन-सोर्स अशा दोन्ही प्रकारच्या GIS सॉफ्टवेअरसह त्याचे एकत्रीकरण कसे करावे, हे समजावून सांगितले आहे. तसेच पोस्ट-प्रोसेसिंग तंत्र, क्षेत्रफळाची गणना आणि नकाशे व लेआउट तयार करणे, या विषयांवर सैद्धांतिक आणि व्यावहारिक सांगड घातली आहे.पुस्तकातील प्रत्येक संकल्पना योग्य उदाहरणांसह स्पष्ट केली असून, सैद्धांतिक स्पष्टता आणि व्यावहारिक उपयोगिता यावर भर दिला आहे. मजकुराची मांडणी शैक्षणिक गरजांशी सुसंगत ठेवून विद्यार्थ्यांना भूगोल क्षेत्रातील वास्तविक विश्लेषणात्मक कार्यासाठी तयार करण्यावर भर देण्यात आला आहे.