पत्रकारितेचा ‘राजकीय’ पैलू
अभ्यासताना सैद्धांतिक बाबीचा विचार करूनच विवेचन सदर पुस्तकात
केलेले आहे. तसेच या ‘राजकीय पत्रकारिते’ ला विविध समाजमाध्यमांनी
व्यापून टाकले आहे. ‘समाजमाध्यमे’ हा आता परवलीचा शब्द झाला आहे.
आणि राजकारण आता या निमित्ताने घराघरात चर्चिली जाणारी बाब ठरली
आहे. म्हणजेच व्यक्तीच्या ‘राजकीय’ असण्याची ती एक चांगली निशाणी
ठरत आहे. हा विषय अभ्यासताना विद्यार्थ्यांना व अभ्यासकांना नाविन्यतेचा
अनुभव येईलच परंतु यातून राज्यशास्त्र या विद्याशाखेत ज्ञानवर्धन होण्यास
मदत होईल. कारण या विषयात फक्त वर्णन करणे असा संकुचित अर्थ येत
नाही तर त्याची परिणामकारकता ही महत्त्वाची ठरते. कारण लोकशाही शासन
व्यवस्था असणाऱ्या देशांत ही परिणामकारकता प्रशासन, शासन, सामाजिक,
आर्थिक, राजकीय, सांस्कृतिक, शैक्षणिक इत्यादी सर्वच क्षेत्रात मोलाची
भूमिका बजावत असते. या पुस्तकात राजकीय पत्रकारितेत येणाऱ्या सर्वच
संकल्पनांचा म्हणजेच, राजकीय पत्रकारितेचा अर्थ, व्याप्ती, इतिहास, विविध
माध्यमे, पद्धती माध्यमिकरण, भारतातील राजकीय प्रक्रिया व त्या अनुषंगाने
होणारी पत्रकारिता, जनमत आणि सध्या राजकीय पत्रकारिते समोरची आव्हानेकाय आहे या सर्वच संकल्पनांचा विस्तृत अभ्यास या पुस्तकात केला आहे.
त्यामुळे राजकीय पत्रकारितेचे स्वरूप समजण्यास नक्कीच मदत होईल.