आजच्या काळात मानसशास्त्राचे स्वरूप प्रचंड प्रमाणात वाढलेले आहे. व्यक्ती जीवनाच्या विविध क्षेत्रांमध्ये मानसशास्त्राचे कार्य वाढलेले आहे असे म्हणता येईल. मानवी वर्तनाशी संबंधित प्रत्येक क्षेत्रात मानसशास्त्राच्या उपयोजित शाखा निर्माण झालेल्या आहेत. या शाखाद्वारे मानवी जीवन अधिकाधिक सुसह्य कसे करता येईल याकडे लक्ष दिले जाते. वाढते औद्योगिकरण आणि तंत्रज्ञान यामुळे मानवी व पर्यावरणीय समस्याही वाढलेल्या आहेत. या समस्या सोडविण्याचा प्रयत्न उपयोजित मानसशास्त्रज्ञ करतात. उपयोजित मानसशास्त्राचा आढावा घेतल्यास असे लक्षात येते की, सैद्धांतिक व उपयोजित मानसशास्त्रीय संशोधन आणि मानसशास्त्रीय सेवा यांच्या दिर्घकाळ योगदानामुळेच आज उपयोजित मानसशास्त्राचे क्षेत्र खुप विस्तृत झालेले आहे. मानसशास्त्राचा प्रचंड आवाका लक्षात घेता सर्व समस्यांचा एकत्रित अभ्यास करणे कठीण झालेले आहे. म्हणूनच उपयोजित मानसशास्त्राच्या विविध शाखा उदयास आलेल्या आहे. सदर पुस्तकात उपयोजित मानसशास्त्राच्या अभ्यासपद्धती, प्रायोगिक व अप्रायोगिक आणि प्रदत्त संकलनाची तंत्रे, मुलाखत, निरीक्षण, सर्वेक्षण, मानसशास्त्रीय चाचण्या, व्यक्तीवृत्त याचप्रमाणे मानसशास्त्राच्या विविध शाखांचाही यथायोग्य परामर्श घेतला आहे.

Adhunik Upyojit Manasshastra Ani Manvi Jeevan