आजच्या काळात भारत आणि जगातील अनेक देशांच्या लष्करी पद्धतींमध्ये ग्रीक-रोमन युद्धपद्धतीचा प्रभाव आहे. एकविसाव्या शतकात युद्धतंत्रात माहिती तंत्रज्ञान, कृत्रिम बुद्धिमत्ता आणि विविध आधुनिक शस्त्रे यांचा समावेश झाला आहे, ज्यामुळे भारतीय सेनादलांच्या घडामोडींचा अभ्यास महत्त्वाचा आहे.
प्राचीन भारतात संरक्षण आणि युद्धकला प्रगल्भ होती. रामायण, महाभारत आणि कौटिल्याचे अर्थशास्त्र यामध्ये याबाबतच्या महत्त्वाच्या विचारांची माहिती आहे. दुर्दैवाने, भूतकाळातील या ज्ञानाकडे दुर्लक्ष केल्यामुळे भारताला अनेक वेळा पराभव भोगावे लागले.
समरांगण सूत्रधारासारख्या ग्रंथांमधून प्राचीन भारतीय सैन्याची रचना, युद्धकलेची तत्त्वे आणि तंत्रज्ञान समजून घेता येते. भारताच्या संरक्षण यंत्रणेची रचना सरंजामशाहीवर आधारित होती, ज्यामुळे समाजातील इतर घटक संरक्षण कार्यात कमी सहभागी झाले.
भारतीय सेनादलांच्या विद्यमान घडामोडी या पुस्तकात विद्यार्थ्यांना सेनादलांच्या नावीन्यपूर्ण बाबी, भारतीय लष्करी दलांशी संबंधित वस्तुस्थिती आणि तथ्ये, आधुनिक युद्धाच्या आवश्यकतेनुसार होणारे बदलही याविषयी माहिती तसेच राष्ट्रप्रेमाचे कर्तव्य लक्षात घेऊन, राष्ट्ररक्षणाबाबत जागरूकता निर्माण करणे आणि तरुणांना सेनादलांमध्ये सामील होण्यास प्रवृत्त करणे आवश्यक आहे.