‘भाषा आणि जीवन व्यवहार’ यांची सांगड घालणार्‍या या नवीन अभ्यासक्रमात परिभाषेच्या उपयुक्ततेबरोबर औपचारिक व अनौपचारिक लेखन प्रकारांचा परिचय विद्यार्थ्यांना होणार आहे. नोकरी प्राप्त करून घेण्यासाठीचे अर्जलेखन तंत्राबरोबर ‘स्वयंरोजगार प्राप्तीसाठी’ करावयाच्या ‘स्वपरिचय पत्र’ लेखनाचे तंत्र व उपयुक्तता लक्षात आणून देण्याचा प्रयत्न आहे. इतिवृत्त व टिप्पणी लेखन तंत्राचा परिचय करून देतांना विद्यार्थ्यांना कार्यालयीन संज्ञापनाबरोबर संगणक क्षेत्रातील मुलस्त्रोत साधनांची ओळख उपयुक्त ठरणारी आहे. कोशलेखन प्रकारांचा परिचय त्यांना नवीन ज्ञानप्राप्तीला मार्गदर्शन करणारा आहे. भविष्यात व्याख्यानक्षेत्रात किंवा नवीन माहितीचे सादरीकरणासाठी ‘पॉवर पॉईंट’ तंत्राच्या उपयोजनाचा वापर आवश्यक ठरणार आहे. त्या तंत्राचाही वस्तुनिष्ठ पद्धतीने परिचय करून देण्याचा प्रयत्न आहे. त्यामुळे ती शैक्षणिक क्षेत्रात उपयुक्त ठरणारी क्षमता विद्यार्थी आत्मसात करतील. तसेच मायक्रोसॉफ्ट, एक्सेल या घटकांबरोबरच विकिपीडियासाठी लेखन तंत्र इ. घटकांचा समावेश प्रस्तुत अभ्यासक्रमात असल्यामुळे विद्यार्थ्यांना आपल्या क्षमतांचा विकास साधता येईल.

Vyavaharik v Upyojit Marathi