• आरोळी

    Aroli

    ₹195.00
    Add to cart

  • आहिरानीन्या पाऊलखुना

    सब्देस्नी ताकद दिसन अहिरानी मायनी, तसज खान्देशी संस्कृतीनी वयख करी देवासाठे…
    चला गड्याहो समदा मिस्नी हातभार लावूत
    आपली अहिरानीनी जगले चटक लाई दिऊत…
    आसं कयकयम्हा सांगनारा प्रा.डॉ.सदाशिव सुर्यवंशी ह्या अहिरानी भाषावर जिवथाईन पिरेम करतस. अहिरानी अलिखित साहित्य उजायाम्हा येवो तसज नवा तरुन पोरे आहिरानी लिखता होवोत, हायी तयमयना पोटेज त्यास्नी खान्देश साहित्य संघ नावनं घरन हक्कान इचारपीठ खुलं करेल से. चवफेर व्यक्तीत्वना धनी, खान्देशी संस्कृतीना इतिहासना आभ्यासक, आहिरानी भाषानं लेखन करनारा प्रा.डॉ. सदाशिव सुर्यवंशी येस्नी वानीसारखीज लेखनीभी तेज से. साहित्य जगतम्हान लेखक, कवी, गझलकार आनी इतिहास संशोधक म्हनीसन वयख निर्मान करनारा या साहित्यिकनं अहिरानीन्या पाऊल खुना हायी पह्यल पुस्तक वाचकेस्नी भेटले यी राह्यन. ह्याम्हा सदाभाऊस्नी अहिरानीन्या समध्या मुया-डाया उलगडी सांगेल सेत. आहिरानीनं उजाय, अहिरानी लोकवाग्मंय, भाषाना सबद, साहित्य चयवयनी सोनानी खानं खान्देश साहित्यसंघ, माय भाषाना जागर, गावनी जत्रा आसा गनकज मनले भारायी टाकथीन आसा लेख सेत. गरीबी त्यास्नी दखेल से भोगेल से, खेडाना कुनबीस्नी कसी लुट व्हस ते डोयाघायी दखेल से त्यामुये भाऊ म्हनस.
    कोन्ह्या नोटा कोन्हा पयसा, आमना खिसा खालेज ऱ्हातस,
    आशा करतस पोरे प्रगतीनी, पिढ्यान पिढ्या सालेज धरतस
    सदाभाऊनी लिखेल अहिरानी वढीतानी लिखेल नही से. अहिरानी त्या कोयीसन पेयेल सेत, जगेल सेत म्हनिसन भाऊना लेखनम्हा अस्सल गावरानी सबदे, म्हनी, वाकप्रचार जागेजाग पेरेल सेत. भाऊ सोतानी वयख प्रा.डॉ. सदाशिव सुर्यवंशी आसी न सांगता अहिरानी भाषिक खेडूत म्हनिसन वयख सांगतस त्यास्नी गझलम्हा त्या सांगतस,
    सर्व जगनी नजरम्हान मी येडाभाना से भाऊ… अहिरानी मन भाषा अन मी खेडाम्हाना से भाऊ.
    प्रा.डॉ. सदाशिव सुर्यवंशी येस्ना हाऊ खान्देशना आनी खान्देशी संस्कृतीना ऐतिहासिक पुरावा मांडनारा साहित्यग्रंथ दस्तऐवज ठरी आनी वाचकस्ले नक्कीच आवडी हायी मन्हा आनुभवनी खात्री से.
    डॉ. सदाभाऊ मव्हरे चला, ग्यान मियाडत रहा, वाटत रहा, दिन तुमनाज सेतस!

    – रमेश बोरसे
    जेष्ठ अहिरानी साहित्यिक

    Ahiraninya Paulkhuna

    ₹125.00
    Add to cart

  • इच्यार करीसन रे भो!

    विविध प्रदेश बोलींनी मराठी भाषेला समृद्धी प्राप्त करुन दिली आहे.उत्तर महाराष्ट्रातील अहिराणी ही महाराष्ट्राची एक महत्त्वाची बोली आहे. अहिराणीचीच सहोदर असणारी लेवा गणबोली हीसुद्धा या प्रदेशातील एक प्रमुख बोली आहे. समूहबोली म्हणून तिचे वेगळे असे स्थान आहे. व.पु.होले यांचे या लेखसंग्रहातील लेखन लेवा गणबोलीतच सिद्ध झालेले आहे प्रदेश लोकरीति, जीवनव्यवहार, परंपरा, संस्कृतिविषयीचे हे कथन आहे. वर्तमान समाजमनाचा कानोसा लेवाबोलीतून घेतला आहे. त्यासाठी त्यांनी त्यांच्या लेखनरूपात मानसपात्रांच्या ‌‘बोलण्या’तूून सद्यःकालीन समाजाची विविध चित्रे रेखाटली आहेत. विविध जोडगोळ्यांच्या बोलण्यातून वर्तमान समाजमन आणि त्यावरचे समाजभाष्य प्रकटलेले आहे. लेवा बोलीतील ही संवादचित्रे आहेत. ग्रामीण समाज, शेती, लोकव्यवहाराच्या गोष्टी यात सांगितल्या आहेत. या जशा समाजाच्या भद्र-अभद्रपणाच्या गोष्टी आहेत तशाच त्या शहाणपणाच्या बोधकथाही आहेत. स्त्रीकष्टाच्या व त्यांच्या गुणांच्या कथा आहेत. एका प्रदेशातील समकालीन समाजावकाशाचे दर्शन त्यातून होते.
    हा जीवनानुभव त्यांनी लेवाबोलीत संवादित केला आहे. जळगाव-बुलढाणा जिल्ह्यातील जिव्हाळकथनाने त्यास वैशिष्ट्यपूर्णता प्राप्त झाली आहे. ‌‘रे-भो’, ‌‘काभ्र’ अशा संबोधनरूपांनी हा भाषावकाश रचला आहे. ‌‘सन’,‌‘त’ व ‌‘ये’ कारान्त रूपांनी सजलेले हे कथन आहे.
    समाज, संस्कृती, प्रदेशविशिष्ट शब्दकळा, समूहनिर्मित सुलभ उच्चाररूपे व प्रादेशिक वाहती गद्यलय या बोलीत आहे. बोलीरूपे ही जशी त्या त्या प्रदेशाची संवादकथने असतात, तशीच ती मुख्य भाषेलादेखील संपन्न करत असतात. सांस्कृतिक संचित आणि लोकव्यवहार साठवून ठेवणारे हे प्रादेशिक बोलीकथन निश्चितच महत्त्वाचे आहे.

    – डॉ. रणधीर शिंदे

    Ichyar Karisan Re Bho

    ₹295.00
    Add to cart

  • इंडियन बिझिनेस लेजंड्स

    भारतात जन्माला आलेल्या व भारतातच उद्योगाची मुहूर्तमेढ रोवून जगभर प्रसिद्ध झालेल्या उद्योजकांची ओळख सर्व भारतीयांना व्हावी यासाठी सदरील पुस्तकात सात सुप्रसिद्ध यशस्वी उद्योजकांचा परिचय घेतलेला आहे. उद्योजकांच्या जीवनाचा वेध घेतांना उद्योजकांच्या व्यापारी संघर्षाची व कठोर मेहनतीची माहिती नव्या पिढीच्या तरूणाईला मिळून उत्तर आयुष्यात येणार्‍या अडचणींचा ते सहज सामना करू शकतील. करीअर घडवण्यासाठी उद्योजकांच्या विविध प्रासंगिक, व्यावसायिक क्लृप्त्या त्यांना दैनंदिन व्यवहारात उपयोगी पडू शकतील.

    सदरील पुस्तकात जहांगीर टाटा, जीडी बिर्ला, वालचंद हिराचंद दोशी, धीरूभाई अंबानी, रतन टाटा, आदित्यविक्रम बिर्ला व राहुल बजाज अशा सात मान्यवर उद्योजकांचे संक्षिप्त जीवन चरित्र रेखाटलेले आहे. या जीवन चरित्रात उद्योजकांनी उद्योगधंद्याची केलेली सुरूवात, उद्योग उभारतांनाचा जीवघेणा संघर्ष, उद्योगाच्या विस्तारासाठी घेतलेले कठोर परिश्रम यांचा थोडक्यात आढावा घेतलेला आहे.

    सदरील ‘इंडियन बिझिनेस लेजंड्स’ हे पुस्तक नव्या पिढीला मार्गदर्शनपर ठरेल यात शंकाच नाही.

    Indian Business Legends

    ₹125.00
    Add to cart

  • इतिहासातील संशोधन पद्धती

    इतिहासकार कसा असावा याबाबत महान इतिहासकार डॉ. बाबासाहेब आंबेडकर म्हणतात,
    इतिहासकार हा काटेकोर, तळमळीचा आणि पंक्तिप्रपंच न करणारा असा असला पाहिजे. भावनाविरहित, आपुलकिची भावना, भीती, तिरस्कार किंवा प्रेमाची ओढ यांच्यापासून मुक्त असा असला पाहिजे. इतिहासाची जननी जी सत्यनिष्ठा ती त्याच्या रोमारोमात भिनलेली असली पाहिजे. महत्कृत्यांना सुरक्षित ठेवणारा, अंधाराचा संहार करणारा, पूर्वकाळाचा साक्षी आणि भावी काळाचा नेता असा असला पाहिजे. थोडक्यात सांगावयाचे म्हणजे अगदी रिकामे नसणारे नव्हे पण उघडे असणारे त्यांचे मन पाहिजे. खोटे-नाटे पुरावे जरी त्याच्या हाती लागले तरी त्या सर्व पुराव्यांची छाननी करण्याची त्याची तयारी पाहिजे म्हणजे सत्यानिष्ठा हा इतिहासाचा आत्मा असतो. डॉ. आंबेडकरांनी भारतीय इतिहासावर जे लिखाण केले ते वस्तुनिष्ठता व सत्यनिष्ठेने केले.

    डॉ. भीमराव रामजी आंबेडकर
    (शुद्र मूळचे कोण होते)

    Itihaas Sanshodhan Paddhati

    ₹150.00
    Add to cart

  • उघड कवाडे तव हृदयाची

    या संग्रहात एकूण 72 कविता संग्रहित केल्या असून त्यात प्रामुख्याने प्रेम आणि विरहाच्या काही कविता तसेच निसर्ग आणि मानव अशा स्वरुपाच्या कविता आहेत. काही कविता ग्रामवास्तव आणि ग्रामीण संस्कृतीच्या कुशीतून आलेल्या माती आणि नाती व्यक्त करणार्‍या आहेत. ‘गाव मन्हं बनगाव’ सारखी अहिराणी भाषेवरील प्रेमाची भावना व्यक्त करणारी कविताही त्यामध्ये आहे. अनौपचारिक शिक्षणाचा प्रभाव मान्य करणार्‍या संस्कार, बालपण, नैतिक मूल्ये, सणवत्सव आणि जीवनचिंतन करणार्‍या काही कविताही आढळतात. एकूणच विचार करता ‘स्यान्त : सुखाय’ भूमिका, निसर्ग-माणूस आणि समाजाच्या चिंतनाची ‘सामाजिक’ भूमिका अशा दोन्ही पातळ्यांवर लेखक-शिक्षकाचा पिंड या कवितेत वतरतो. तारुण्यातील लोकपरंपरा आणि सण, उत्सव, यात्रा, तमाशा लावणीच्या प्रभावाचे संस्कारातून प्रेम आणि शृंगारासह वीराणीतील मधुराभकतीचा आविष्कार या काव्यात आढळतो. अशा संमीश्र भावांची आणि काहीतरी अभिव्यक्त करु पाहणारी ही कविता आहे. कविच्या भावना, विचार, कल्पना आणि पूर्वसुरींच्या कवितेच्या संत्तकारात रमताना व्यक्त होणारी ही कविता आहे.

    Ughad Kavade Tav Hridyachi

    ₹110.00
    Add to cart

  • उपयोजित मराठी

    अभ्यासक्रमनिर्मितीप्रक्रिया किंवा प्रत्यक्ष अध्यापनात सहभागी नसणार्‍या सामान्य कुवतीच्या लेखनीबहाद्दरांनी विद्यापीठ अभ्यासक्रमात अंतर्भूत अभ्यासपत्रिकांच्या अनुषंगाने जुजबी टिपणे लिहिणे असे चित्र अगदी नजीकच्या काळापर्यंत उच्च शिक्षणक्षेत्रात दिसत होते आणि आजही ते बदलले आहे असे नाही. अशा व्यापारी मार्गदर्शक खटाटोपाच्या जाळ्यात अभ्यासक विद्यार्थीसुद्धा सहज सापडत होते. परिणामी पदवी स्तरावरील उच्च शिक्षणाचे उद्दिष्टच व्यापकपणे कधी फलद्रूप झाले नाही.
    प्रामाणिक व पदवीचे उद्दिष्ट जाणणार्‍या अभ्यासकाकडून खरेतर अशा अभ्यासक्रमास अथवा अभ्यासपत्रिकेस साहाय्यभूत संदर्भग्रंथांचे लेखन होणे अपेक्षित असते. असे अभ्यासकच अतिसुलभीकरण व अव्याप्तपणा अशा दोषांपासून अलिप्त रहात आपली समज आणि तत्संबंधीचे समकालीन भान विद्यार्थ्यांपर्यंत पोहोचवतात.
    डॉ. संदीप माळी ह्या विद्यार्थीमित्र अभ्यासकाने उपयोजित मराठी ह्या संदर्भग्रंथात पदवी स्तरावरील अध्ययन-अध्यापन प्रक्रियेचे मूलभूत भान बाळगले आहे, हे खूप महत्त्वाचे आहे. डॉ. माळी ह्यांनी ह्या संदर्भग्रंथाच्या रूपाने भाषेच्या उपयोजित अंगाची वस्तुनिष्ठ ओळख करून देत मराठी भाषेचा उपयोजनव्यवहार प्रचलित पारंपरिक व अत्याधुनिक माध्यमांच्या संदर्भात प्रात्यक्षिक व विवेचक अशा दोन्ही अंगाने प्रस्तुत केला आहे. सर्वच विद्यापीठांच्या परिक्षेत्रातील विद्यार्थी, प्राध्यापक, अभ्यासक व भाषिक उपयोजनाची मुळाक्षरे गिरवणार्‍या सर्वांसाठी हा संदर्भग्रंथ उपयुक्त ठरेल ह्यात शंका नाही.

    डॉ. प्रभाकर देसाई
    प्राध्यापक व प्रमुख, मराठी विभाग,
    सावित्रीबाई फुले पुणे विद्यापीठ, पुणे.

    Upyojit Marathi

    ₹110.00
    Add to cart

  • उपयोजित मराठी (F.Y.B.Com.)

    विद्यापीठाच्या नव्या अभ्यासक्रमाच्या रचनेनूसार प्रथम सत्रात मराठी (ऐच्छिक) विषयासाठी ललित वाङ्मयाचा अभ्यास करणार्‍या वाणिज्य शाखेच्या विद्यार्थ्यांसाठी दुसर्‍या सत्रासाठी पत्रलेखन, संवाद लेखन, वृत्तपत्रीय लेखन, पारिभाषिक संज्ञा इत्यादी घटक अभ्यासक्रमाचे घटक निश्चित करण्यात आले आहेत. वाङ्मयाची आवड असलेल्या वाणिज्य शाखेच्या विद्यार्थ्यांना या पुस्तकामुळे व्यावसायिक संज्ञापनाची जाणीव अधिक वृद्धींगत होईल अशी अशा आहे.
    वाङ्मयातून जीवन जाणीवाच्या वृद्धीसोबत व्यापक संस्कृतीचे आकलन होते. व्यावसायिक गरजेतून भाषिक कौशल्यांचा अभ्यास केल्याने नोकरी-व्यवसायाच्या नव्या संधी प्राप्त होतात. शैक्षणिक सन्ननिहाय कालावधीत इतर अवधानांसोबत मराठीचा अभ्यासक्रम अधिक आकलन सुलभ व्हावा यासोबतच नोकरी व्यवसायासाठी भाषिक संज्ञापन कौशल्यांच्या परिचयातून विद्यार्थ्यांना मौखिक आणि लिखित स्वरुपातील परीक्षेला आत्मविश्वासाने सामोरे जाऊन जीवनात यशस्वी कसे होत होईल, याचे आत्मभान देणारे हे पुस्तक प्रथम वर्ष वाणिज्य शाखेच्या विद्यार्थ्यांसोबत स्पर्धा परीक्षेत मराठी ऐच्छिक विषय घेणार्‍यांनाही दिशादर्शक ठरेल, यात शंका नाही.

    – प्रा. एल. जी. सोनवणे

    Upyojit Marathi (F.Y.B.Com.)

    ₹95.00
    Add to cart

  • उपयोजित मराठी (भाग – 1) (SGBAU)

    भाषा व वाङ्मय हे सौंदर्य निर्मिती करत असतात, जीवनमूल्यांची शिकवण देत प्रगत जीवन जगण्यास प्रेरणा देतात. त्यातून वाचकाला आनंद प्राप्त होतो. हे सत्य असले तरी आजच्या या स्पर्धेच्या युगात सौंदर्यनिर्मितीच्या आनंदप्राप्तीबरोबरच व्यावहारिक जीवनात उदरनिर्वाह करण्यासाठी आवश्यक असलेल्या उपजत गुणांना प्रोत्साहन देणेही गरजेचे आहे. म्हणूनच पोट भरण्यासाठी विद्यार्थ्यांनी सक्रिय राहावे म्हणून ‘उपयोजित मराठी’ या अभ्यासक्रमाला विद्यापीठाने प्राधान्य दिले आहे. आजच्या जागतिकीकरणात प्रादेशिक भाषा अस्तित्वासाठी संघर्ष करीत असतानाच्या काळात हा अभ्यासक्रम अधिक उपयुक्त आणि गरजेचा आहे. या अभ्यासक्रमामुळे विद्यार्थ्यांना भाषिक – लेखन कौशल्ये आत्मसात करून आपल्या व्यक्तिमत्वाचा विकास साधता येतो.
    विद्यार्थ्यांनी लेखनात विरामचिन्हांचा वापर व लेखनाचे नियम, मुद्रितशोधन, कार्यालयीन संज्ञापन व पत्रव्यवहार, अर्ज लेखन – नोकरीसाठी अर्ज, स्वपरिचय पत्र, भाषिक कौशल्ये, पत्रलेखन कौशल्य व नोकरीसाठी अर्जलेखन ही कौशल्ये विद्यार्थ्यांनी आत्मसात करून त्यांचे व्यावहारिक जीवन सुकर करता येते. त्यावर आधारीत प्रस्तुत ग्रंथाची रचना आहे. विद्यार्थ्यांच्या व्यक्तिमत्व विकासाला ही कौशल्ये उपयुक्त ठरणारी आहेत. डॉ. प्रभाकर जोशी यांनी परिश्रमपूर्वक वरील कौशल्यांच्या अभ्यासपूर्ण मांडणीतून या पुस्तकाचे संपादन केले आहे.
    मराठीच्या जिज्ञासू अभ्यासक आणि विद्यार्थ्यांसाठी प्रस्तुत पुस्तक उपयुक्त व मार्गदर्शनपर ठरेल असा विश्वास आहे.

    Upayojit Marathi (Bhag 1) (SGBAU)

    ₹150.00
    Add to cart

  • उपयोजित मराठी (भाग – 2)

    Upyojit Marathi (Bhag – 2)

    ₹80.00
    Read more

  • उपयोजित मराठी (भाग 2) (SGBAU)

    विचारपूर्वक बोलता येणे व आपले विचार समर्पकपणे लिखित स्वरुपात मांडता येणे हे आज आवश्यक झाले आहे. ही क्षमता विकसित करण्यासाठी ‘वक्तृत्व’ स्पर्धामध्ये आपणास सहभाग घेता यावा, विविध उपक्रमांत ‘सूत्रसंचन’ करुन आपली नवी ओळख निर्माण करता यावी म्हणून पहिल्या दोन प्रकरणातून या कौशल्याची ओळख करुन दिली आहे. वक्तृत्व म्हणजे काय? उत्तम वक्ता होण्यासाठी कोणते प्रयत्न करावे? वक्तृत्व आणि भाषण यातील साम्यभेद कोणते? सूत्रसंचालनाचे तंत्र कसे आत्मसात करावे इत्यादी संदर्भातील माहिती आपणास या घटकाच्या अभ्यासातून मिळणार आहे. व्यावहारिक स्तरावर निमंत्रण पत्रिका-कार्यक्रम पत्रिका-विविध प्रकारची माहितीपत्रके यांचा परिचय आपणास असतोच. तिसरे व चवथे प्रकरणातून त्यासंदर्भातील माहिती समजून घेऊन त्याचे ‘लेखन कौशल्य तंत्र’ विकसित करता येईल. अभ्यासक्रमाशी संबंधित घटकांची सोदाहरण दिलेली माहिती नीट समजून देण्याचा प्रयत्न आहे. त्या आधारावर आपणास आपल्या ठिकाणी या कौशल्य अंगाचा विकास साधून आपले व्यक्तिमत्वाचा विकास साधता येईल. या हेतूनेच अभ्यासक्रमातील घटकनिहाय विवेचन प्रस्तुत पुस्तकात अभ्यासपूर्ण पद्धतीने देण्याचा प्रयत्न आहे. त्याचे स्वागत विद्यापीठाच्या परिसरातील अध्यापक, विद्यार्थीवर्ग करतील अशी आशा आहे.

    Upyojit Marathi (Bhag  2) (SGBAU)

    ₹95.00
    Add to cart

  • उपयोजित मराठी (भाग 3)

    कोणतीही भाषा मौखिक आणि लिखित स्वरुपात अस्तित्वात असते. भाषण – संभाषण – सूत्रसंचालन, निवेदन, परिसंवाद इ. मौखिक माध्यमातून तर वृत्तपत्र, आकाशवाणी, दूरदर्शन या प्रसार माध्यमासाठी त्याचा स्वीकार आपण करतोच. विविध कार्यालयांसाठी व संगणक – इंटरनेट इ. सेवासुविधांसाठी भाषा लेखन ही नित्याची गरज ठरली आहे. या परिक्षेत्रात ‘संपादन कौशल्यांचा परिचय’ आणि ‘इलेक्ट्रॉनिक संवाद साधने’ इ. घटकांच्या अभ्यासामुळे मराठीतून दैनंदिन व्यवहार अधिक सुकर होतो.
    वाङ्मय हे जीवनातील नैतिकता, सत्य आणि सौंदर्यासाठी आवश्यक आहे. हीच नैतिकता आणि सत्य वस्तुनिष्ठ स्वरुपात व्यक्त होण्यासाठी ‘संपादन कौशल्ये’ आत्मसात करणे गरजेचे आहे. तसेच आधुनिक इलेक्ट्रॉनिक्स संवाद माध्यमांचे तंत्र समजून घेऊन गतिमान जीवनाला शिस्त निर्माण करणे आवश्यक आहे. ‘उपयोजित मराठी’ या अभ्यासक्रमात या घटकांचा समावेश असतो. प्रा. डॉ. प्रभाकर जोशी व प्रा. डॉ. किशोर पाटील यांनी परिश्रमपूर्वक या पुस्तकांचे संपादन केले आहे, त्यांचे अभिनंदन!
    मराठीच्या जिज्ञासू अभ्यासक आणि विद्यार्थ्यांसाठी प्रस्तुत पुस्तक उपयुक्त व मार्गदर्शनपर ठरेल असा विश्वास आहे.

    – डॉ. शिरीष पाटील

    Upyojit Marathi (Bhag – 3)

    ₹160.00
    Add to cart

  • उपयोजित मराठी (भाग-1)

    भाषा व वाङ्मय हे सौंदर्य निर्मिती करत असतात, जीवनमूल्यांची शिकवण देत प्रगत जीवन जगण्यास प्रेरणा देतात. त्यातून वाचकाला आनंद प्राप्त होतो. हे सत्य असले तरी आजच्या या स्पर्धेच्या युगात सौंदर्यनिर्मितीच्या आनंदप्राप्तीबरोबरच व्यावहारिक जीवनात उदरनिर्वाह करण्यासाठी आवश्यक असलेल्या उपजत गुणांना प्रोत्साहन देणेही गरजेचे आहे. म्हणूनच पोट भरण्यासाठी विद्यार्थ्यांनी सक्रिय राहावे म्हणून ‘उपयोजित मराठी’ या अभ्यासक्रमाला विद्यापीठाने प्राधान्य दिले आहे.
    विद्यार्थ्यांनी भाषिक कौशल्ये, कार्यालयीन संज्ञापन कौशल्ये, कार्यक्रमांचे सूत्रसंचालन, पत्रलेखन, दूरदर्शन संहिता लेखन, आपल्या लेखनात विरामचिन्हांचा वापर व लेखनाचे नियम ही कौशल्ये विद्यार्थ्यांनी आत्मसात करून त्यांचे व्यावहारिक जीवन सुकर करता येते. त्यावर आधारीत प्रस्तुत ग्रंथाची रचना आहे. विद्यार्थ्यांच्या व्यक्तिमत्व विकासाला ही कौशल्ये उपयुक्त ठरणारी आहेत. डॉ. प्रभाकर जोशी व डॉ. वासुदेव वले यांनी परिश्रमपूर्वक वरील कौशल्यांच्या अभ्यासपूर्ण मांडणीतून या पुस्तकाचे संपादन केले आहे. त्यांचे अभिनंदन!
    मराठीच्या जिज्ञासू अभ्यासक आणि विद्यार्थ्यांसाठी प्रस्तुत पुस्तक उपयुक्त व मार्गदर्शनपर ठरेल असा विश्वास आहे.

    – डॉ. केशव तुपे, सहसंचालक, उच्च शिक्षण अनुदान, जळगाव विभाग, जळगाव

    ₹250.00
    Add to cart

  • उपेक्षित अनपेक्षित

    माणसाचे सामाजिक जिवन व वैयक्तिक जिवन, माणसामाणसांतील सामाजिक स्तरामुळे वाढलेले अंतर, मजुर, कष्टकरी, शेतकरी, व्यापारी, मध्यमवर्गीय व उच्चवर्ग यातूनच जगताना रोजची जिवघेणी स्पर्धा. कुठेतरी माणसामाणसांतील वाढलेली ईर्ष्या; त्यातून सामाजिक विषमता, जातपात, शहरी आणि ग्रामीण जिवनमान यातील अंतर अजून वाढतच गेले. ही सल कायम मनात घर करून होती. हे सारे डोळ्यासमोर ठेऊन ह्या कवितासंग्रहास ‘उपेक्षीत – अनपेक्षीत’ असे नाव दिले. त्या भावना अधोरेखीत करण्याचा हा लहानसा प्रयत्न.

    – डॉ. शिवाजी अहिरराव

    Upekshit Unpekshit

    ₹120.00
    Add to cart

  • उलंगवाडी

    ‘उलंगवाडी’ तील कथांमध्ये ग्रामीण माणूस, त्याचे भावविश्व, त्याच्या वाट्याला येणारे ताणतणाव, त्याची सुखदुःखे, त्याची वंचना आणि विवंचना, त्याची भोळीभाबडी आशा व त्याच्या वाट्याला येणारा अपेक्षाभंग यांचे थेट नि प्रांजळ चित्रण आहे. कारण लेखकाची संवादशैली वास्तवदर्शी व हृदयस्पर्शी आहे, निवेदनशैली सरधोपट पण थेट काळजाला भिडणारी आहे, लेखनपद्धती चित्रमय व आशयवेधी आहे. ह्या मातीचा अंगभूत गुणधर्म असलेल्या भाषाशैलीमुळे तसेच वातावरणनिर्मितीला पूरक-पोषक अशा साध्यासुध्या निवेदन पद्धतीमुळे त्यांची लेखणी जनसामान्यांच्या बाजूने उभी राहते. शोषितांना वाचा फोडते, वंचितांच्या वेदनेला स्वर देते, त्यांच्या फसवणुकीची कड घेते. यासाठी ती शासनकर्त्यांचा, शोषकांचा बुरखा फाडायलाही मागे पुढे पाहत नाही. ती धीट, स्पष्टवक्ती, कोणाचीही भीडमुर्वत न ठेवणारी असल्यामुळे ग्रामीण जनसामान्यांच्या व्यथा-वेदनांना उजागर करते. पात्रे, घटना, वातावरण, निवेदन, भाषा तसेच कथार्थ या सार्‍यांची एकात्म प्रचिती ही अशोक कोळींच्या कथेची किमया आहे. कथा वाङ्मयाला एका वेगळ्या, आश्वासक उंचीवर त्यांनी निश्चितपणे नेलेले आहे.

    – डॉ. शिरीष पाटील

    Ulangwadi

    ₹175.00
    Add to cart

  • ऋणानुबंध

    फक्त वही, पेन म्हणजे शिक्षण नाही, तर… बुद्धीला सत्याकडे, भावनेला माणूसकीकडे आणि शरीराला श्रमाकडे नेण्याचा मार्ग म्हणजे शिक्षण. जसे, जेवल्यावर होणारे समाधान तात्पुरते असते. याउलट शिक्षणामुळे मिळणारी ज्ञानाची शिदोरी आयुष्यभर पुरते. पोटाची भूक भागवावीच, पण एक पाऊल पुढे टाकून माणसाने शिक्षण घेऊन बुद्धीची भूकही भागवावी. जसा माणूस उपासमारीने अशक्त होऊन अल्पायुषी होतो, तसा तो शिक्षणअभावी जिवंतपणी दुसर्‍याचा गुलाम होतो.

    – डॉ. बाबासाहेब आंबेडकर

    Runanubandh

    ₹180.00
    Add to cart

  • एकसंघ भारताचे शिल्पकार : सरदार वल्लभभाई पटेल

    वयाच्या तब्बल चाळीस वर्षापर्यंत स्वातंत्र्यलढ्यापासून अलिप्त राहिलेल्या सरदारांनी स्वातंत्र्यलढ्यात प्रवेश केल्यावर त्यास मिळालेली ऊर्जा, गती, दिशा व अनुषंगाने बदललेली लढ्याची सर्वसमावेशक दशा याचे समग्र, सादयंत शब्दचित्रण लेखिकेने प्रभावीपणे, समर्थपणे चित्तारले आहे.
    महात्माजींच्या अहिंसेचा सार्थ अर्थ आणि हेतू सरदारांमुळे सिद्ध होतो. शारीरिक मानसिकदृष्ट्या समर्थ असूनही अहिंसेने ‘लढा देऊन’ संघटनशक्तीने विघटनशक्तीचे उच्चाटन करण्याचा पराक्रम ‘सरदारच’ करू जाणे या सर्वांचा शब्दवेल्हाळ परिचय करण्यात लेखिका यशस्वी झालेली आहे.
    ‘अहिंसेचे जनकत्व’ जसे बापूंकडे जाते तसे भारताच्या अखंडतेचे मातृत्व सरदारांकडे जाते. अखंड, एकसंघ, एकात्म भारतीय संघराज्याच्या निर्माणाचा पुरूषार्थ घडवितांनाच्या घटना, प्रसंग घ्यावे लागलेले कठोर निर्णय याचे समग्र विवेचन परिणामकारकरित्या या पुस्तकात समर्पक व सहज सुलभ शब्दात आपल्यापर्यंत पोहचविण्याचा प्रयत्न लेखिकेने केला आहे.

    Eksangh Bharatache Shilpkar : Sardar Vallabhbhai Patel

    ₹110.00
    Add to cart

  • एल्गार वंचितांचा

    राष्ट्रपतींच्या यादीत अनुसूचित 45 जमाती आहेत, त्यापैकी फक्त 12 जमातींना लाभ मिळतो; बाकी 33 जमाती या लाभांपासून वंचित असतात, त्या वंचित जमातींचा आक्रोश, विद्रोह या ‌‘एल्गार वंचितांचा’ या डॉ. प्रकाश सपकाळे यांच्या कवितासंग्रहात आविष्कृत झाला आहे.
    हे षडयंत्र आहे. आदिवासी कोळी जमातीच्या 4 गटांपैकी फक्त सोनकोळी गटाचा समावेश इतर मागासवर्गात असून कोळी ढोर- टोकरे कोळी, कोळी महादेव, कोळी मल्हार या तिन्ही गटातील आदिवासी कोळी यांचा समावेश अनुसूचित जमातींमध्ये आहे. तथापि त्यांना लाभांपासून वंचित ठेवण्याचे षडयंत्र केले गेले आहे. आदिवासींनाच आदिवासींविरुद्ध उभे करून मुद्दाम संभ्रमाचे वातावरण केले गेले आहे. हलबा, ठाकूर, माना, गोवारी इ.33 जमाती अशा उपेक्षित राहिल्या आहेत. त्यांच्या भावना, संवेदना, विचार, विद्रोह प्रातिनिधिक स्वरूपात या काव्यसंग्रहात अविष्कृत केल्या आहेत.
    डॉ. बाबासाहेब आंबेडकर यांच्या विचाराने प्रेरित या कवितांमध्ये वंचित जमातीतील कार्यकर्ते यांना प्रेरणा, प्रोत्साहन मिळून उत्साहाचे वातावरण निर्माण झाले आहे. अन्याय, अत्याचार यांच्याविरुद्ध लढण्याचे बळ या कवितांमधून मिळते. संविधानिक व न्याय्य हक्कांसाठी लढण्याचे बळ मिळत आहे. संघटन वाढत आहे. स्फोटक अशा रसायनांचा जणू हा संग्रह आहे.
    ‌‘एल्गार वंचितांचा’ या काव्यसंग्रहातील विद्रोह अपूर्व असा आहे. हा वंचितांचा एल्गार माणुसकीचे शत्रू असणाऱ्या, अनुसूचित जमातींना वंचित ठेवणाऱ्या सर्व घटकांविरुद्ध आहे.

    ₹325.00
    Add to cart

  • ओंजळभर फुलं

    ओंजळभर फुलं बागेतली, रानातली, तोडलेली, वेचलेली, लाल, पिवळी, केशरी, गुलाबी, पांढरी, नाना रंगाची, नाना ढंगाची, नाना तर्‍हेची, मनमोहक! चित्ताकर्षक! मनाला फुलवणारी, हृदयाला गंधाळणारी अन् शरीरभर अत्तर उधळणारी! फुलं-सृष्टीला पडलेलं स्वप्न! हिरव्यागार वनश्रीचा गंधित अविष्कार! झाडाझुडपात दडलेलं नाजूक रत्न! चमकणारं! दरवळणारं!

    मानवी भावभावनांचं, सुख-दु:खाचं, हर्ष-उल्हासाचं, व्यथा-वेदनांचं फुलं अविष्कार करतात! हृदयातून घरंगळणार्‍या प्रत्येक क्षणाचं प्रतिनिधित्व करतात! कोमल भावधारेला गंधाच्या चोचीने शब्दरूप देतात! मुग्ध भावनेला सुगंधी कंठाने गाऊन दाखवतात! प्रचंड मदनाला शृंगाराची सेज देतात! उधाणलेल्या वादळाला कवेत घेणारा किनारा बनतात!

    मानवी भावनांचं, कल्पनांचं, विचारांचं वहन करणारी फुलं! जीवनाच्या प्रत्येक क्षणाला सुंदरतेची रूप देणारी फुलं असतात तरी कशी? त्यांना सुख-दु:ख असतं? हर्ष-खेद असतो? आशा-निराशा असते? यातना-वेदना असते? – होय. फुलांनाही मन असतं! हृदय असतं!! फुलही हसतात. बेधुंद होऊन नाचतात! देठांच्या खांद्यावर मान टाकून मुसमुसून रडतात! विरहाने व्याकूळ होऊन क्षितिजाच्या आरपार पाहत बसतात! मिलनासाठी पाना-पानांवर हिंदोळत राहतात!

    फुलांची बैचेनी ढगाला कळते. फुलांचं दु:ख झाडाला छळतं अन् फुलांचे अश्रू माती गिळते! फुलांचा गंध वारा पितो! फुलांचा मकरंद भ्रमर चोरतो! फुलं मात्र शांत असतात. मुग्ध बालिकेसारखे. भिरभिरणार्‍या पाखराकडे पाहत. पाकळ्या खुडणारे फुलांच्या काळजाला नख लावतात. फुलं मुक्तपणे सारं सहन करतात! त्यांचं आयुष्यच मुळी क्षणभंगूर! उमलणे-फुलणे-कोमेजून जाणे. उत्त्पती-स्थिती आणि लय. सृष्टीचक्राचा अपरिवर्तनीय नियम! आपल्या या क्षणिक अस्तित्त्वाने ते भूतलावर सौंदर्य व सुगंध पेरून जातात. मनामनांना फुलवून जातात.

    Onjalbhar Phool

    ₹225.00
    Add to cart

  • कथा जनाच्या व्यथा मनाच्या

    शिक्षकाची भूमिका ही समाजनिरीक्षकाची असते. समोर असणाऱ्या समाजाच्या विविध स्तरांतून आलेल्या विद्यार्थी वर्गापुरती ही भूमिका मर्यादित राहू शकत नाही तर आपल्या भोवतालातील बरे-वाईट, आंतरिक पातळीवर अस्वस्थ निर्माण करणारे घटनाप्रसंग, व्यक्ती यांच्याकडेही एक संवेदनशील आणि विचारी समाजघटक म्हणून शिक्षक पाहत असतो. याची प्रचीती सेवानिवृत्त प्राचार्य शिवाजी साळुंके यांच्या सदर कथासंग्रहातून प्रभावीपणे येते. हा शिक्षक-लेखक कधी व्यक्तीच्या जीवनकहाणीपासून कथेला सुरुवात करतो, कधी हुंडाबळी, बलात्कार अशा तात्कालिक घटनांमधून कथानकाला चालना मिळते, कधी गावखेड्यातील उलथापालथी प्रसंगचित्रण व वातावरणनिर्मिती यांना आपसूक वाट मोकळी करून देतात, कधी जातपात, आंतरजातीय विवाह यांना चर्चेच्या केंद्रस्थानी आणून सामाजिक वास्तवाच्या भयावह रूपाचे दर्शन घडवले जाते तर कधी मुक्त चिंतनाव्दारा ललित गद्याचा भावप्रत्यय देतात. वर्गातील शिक्षकाकडून समाजशिक्षकाच्या व्यापक भूमिकेकडे झुकणारा या कथालेखकाचा पिंड आपले लक्ष वेधून घेणारा आहे. म्हणून तर सदर पुस्तकाचे शीर्षक ‌‘कथा जनाच्या व्यथा मनाच्या’ हे आहे. आपला जीवनानुभव त्याच्या अस्सल प्रत्ययासह आणि आंतरिक आचेसह अभिव्यक्त करणाऱ्या या लेखकाच्या सदर पुस्तकाचे हार्दिक स्वागत आहे.

    – आशुतोष पाटील

    Katha Janachya Vyatha Manachya

    ₹250.00
    Add to cart

  • कथारंग

    विज्ञान व तंत्रज्ञान विद्याशाखेतील विद्यार्थ्यांना विज्ञान कथा व विनोदी कथा अशा दोन कथाप्रकारांची ओळख करून देणारे सदर पुस्तक आहे. मानवी नातेसंबंध, मानवी मूल्ये यांपुढे विज्ञान-तंत्रज्ञानाच्या क्षेत्रातील अफाट प्रगतीने उभी केलेली आव्हाने विद्यार्थ्यांनी जाणून घ्यावीत आणि त्याबाबतची त्यांची जाण प्रगल्भ व्हावी या भूमिकेतून विज्ञान कथांची निवड करण्यात आली आहे. आभासी विश्वाच्या तात्कालिक भुलभुलैयात गुरफटल्यामुळे जगण्यातील समाधानाचे क्षण हातातून निसटत चालले आहेत. शब्द, वाक्य, भाषा, स्वभाव, वर्तन, व्यवहार अशा विविध स्तरांवरील गमत-जमती आज सापडेनाशा झाल्या आहेत. याचे भान विद्यार्थ्यांना यावे म्हणून विनोदाच्या निरनिराळ्या परी व्यक्त करणार्‍या निवडक विनोदी कथांचा समावेश सदर पुस्तकात करण्यात आला आहे. यासोबतच विज्ञानकोशासाठी नोंद लेखन आणि विज्ञानपर लघुलेख लेखन या उपयोजित घटकांची जोड येथे देण्यात आली आहे.

    Katharang

    ₹85.00
    Add to cart

  • कथाविश्व

    कथांची निवड करतांना सद्य ः कालीन जीवनाचे प्रश्न व मूल्यविवेक यांचा विचार केलेला आहे.
    ‘मानवता हे मूल्य जात, धर्म, पंथ, संप्रदाय, प्रदेश विशिष्टता यांच्या पलीकडे असलेले सर्वेच्च मूल्य आहे’ – हे वामन चोरघडे यांच्या ‘हादरा’ या कथेचे प्रमुख सूत्र आहे.
    ‘प्रसार माध्यमांनी आपली जबाबदारी ओळखून घटनांचे वार्तांकन केले नाही तर एखादी क्षुल्लक घटना मोठ्या उद्रेकाचे कारण ठरु शकते.’ हे अरुण साधूंच्या ‘दंगा’ कथेतून सूचित केले आहे.
    ‘माणूस हा बुद्धीचं वरदान लाभलेला प्राणी आहे. पण बुद्धीच्या पाठीमागे भाव असावा की भोग? बुद्धीचा उपयोग भोगासाठी केला की माणसाचा पशू होतो’. हा रत्नाकर मतकरींच्या ‘एक माणूस आणि एक पशू’ या कथेचा आशय आहे.
    ‘केवळ देणं हाच ज्यांचा जीवनधर्म आहे; अशी माणसं जेव्हा स्वतःसाठी मागतात तेव्हा त्यांच मोठेपण संपून जातं.’ हे कल्पवृक्षाच्या रुपकातून विजया दिक्षित यांनी ‘एका झाडाची इच्छा’ या कथेतून मांडलेलं आहे.
    ‘श्रद्धा, लेाकश्रद्धा, अंधश्रद्धा आणि डॉ. बाबासाहेब आंबेडकरांचे विचार यांचे संस्कार. बालसुलभ मनावर कसे कोरले जातात’ याचे प्रत्ययकारी दर्शन योगीराज वाघमारे यांच्या ‘गुडदाणी’ कथेतून घडते.
    ‘वठलेलं झाड फुलवण्यासाठी कोवळ्या अंकुराचा बळी देणं कितपत संयुक्तिक आहे.’ हा प्रश्न ‘महात्मा’ कथेद्वारे लक्ष्मण लोढे यांनी उपस्थित केला आहे.
    ‘रोजा-एकादशी आणि भाकरी यांची कष्टकर्‍यांच्या वेदनेशी-जोडलेली नाळ’ संजीव गिरासे यांच्या ‘जकात’ कथेत दिसते.
    सारांश या कथा विद्यार्थ्यांना व वाचकांना व्यक्तीजीवन व समष्टीजीवनाचं उन्नयन करणार्‍या मूल्यांची ओळख करुन देतील. असा विश्वास वाटतो. कथेच्या रुपबंधाच्या अभ्यासाच्या जोडीने कथेतील चिरंतन मूल्यांचाही विचार व्हावा ही अपेक्षा आहे.

    Kathavishrva

    ₹50.00
    Add to cart

  • कंदीलक्लब… आठवणींचं गाठोडं

    शुभेच्छांपर चार शब्द…

    चंद्रकांत (चंदा) भंडारी… शिक्षणासह साहित्यक्षेत्रात रमणारा माझा बाल/वर्गमित्र. गेल्या पन्नास / पंचावन्न वर्षांपेक्षा जास्त काळ आम्ही ‘एकत्र’ आहोत, जरी आमची नोकरी वेगळी असली तरी ! असो. तर चंद्रकांतने ‘कंदीलक्लब’ (आठवणींचं गाठोडं) ही कादंबरी ‘सस्नेह भेट’ म्हणत, जो मान मला दिला तो खरंच आनंद देणारा आहे.
    कादंबरी पूर्ण वाचून झाली अन् मित्राच्या लेखनाची ‘धार’ कळली. नायक सूर्यकांतमध्ये मी खूपदा चंद्रकांत शोधत राहिलो अन् एकदोन कॅरेक्टरमध्ये स्वत:सह माझी आई.
    खरं सांगू जिथे जिथे ‘आई’ समोर आली तिथे तिथे माझे डोळे भरून आले. अन् चंद्रकांतने तिच्या बद्दल जे जे टिपलं ते ते वाचून मन थक्क झाले.
    आमचं अन् ‘कंदीलक्लब’मधील अनेक भिडूंचे शालेय अन् नंतरचे भावविश्व, ज्या घटना प्रसंगांमध्ये टिपलेय ते वाचताना मी सारखा भूतकाळात जात एक वेगळाच आनंद उपभोगत होतो.
    हिंदी सिनेमा, किशोर-मुकेश-रफीची गाणी, मनाचे श्लोक, कबीरवाणी आणि एकूणच विविध खेळ यांच्यावरचं ‘प्रेम’ चंद्रकांतने खूपच छान रंगवलेय. सर्वात आवडलं ते कुंदाचं कॅरेक्टर.. जे वाचताना मी रंगून गेलो. तिची ‘डायरी’ तर भन्नाटच, तिचं अन् सूर्यकांतचं नातं तर फारच तरल !
    ‘कंदीलक्लब’ मधील अनिल, कुंदा, युसुफ, इम्रान, श्रुती, जगन्नाथ या सर्व भिडूंबद्दल मी काय सांगावं? वाचकांनी मनापासून वाचत त्यांचं ‘विश्व’ अनुभवावं. कादंबरीत ‘साने गुरुजी’ ज्या शब्दांमध्ये मला भेटले तेव्हा गुरुजींचे (व एकूणच सर्व शिक्षकांचे) कार्य डोळ्यासमोर येत, ‘गुरुजी आमच्या गल्लीतले एक होते’ याचाही अभिमान वाटला.
    पन्नासएक वर्षांपूर्वी जे ‘शालेय जीवन’, आम्ही आनंदात अनुभवले ते ‘कंदीलक्लब’ द्वारा पुन्हा शब्दांतून उभे करण्याची छानशी कला चंद्रकांतला जी जमली ती सुरेख, छान !
    शुभेच्छांसह…

    – अनिल बाबुराव शिंपी (खैरनार)
    निवृत्त उपविभागीय अभियंता,
    पाटबंधारे विभाग, महाराष्ट्र शासन

    KandilClub Athavaninch Gathod

    ₹150.00
    Add to cart

  • कपाळावर कोरलेले कवितेचे जखमी सूर्य

    “…बांधावर बसलेले बैल, पेरणीविना गवताने मातलेले शेत, हंगाम सरतांना उदास झालेली पाखरें यात कुठून आली दाणे नसलेली कणसे?

    चरतांना अचानक उधळलेल्या गाई नदी किनारी घागरी भरणार्‍या पोरी अभंग सरल्यानंतरही ऐकू येत असलेले टाळ यात कोठून आले प्रार्थना म्हणतांना चुकलेले पोर?

    डोळ्यांसमोर जळत असलेले घर हताश होवून पहाणारी आई राख विझल्यानंतरही डोळ्यात दाटलेला धूर यात कोठून आली विधवा होवून परतलेली लेक?…”

    Kapalavar Korlele Kaviteche Jakhami Surya

    ₹150.00
    Add to cart

  • करनी तशी भरनी

    प्राचार्य डॉ. बापूराव देसाई यांना अहिराणी, मराठी, हिंदी, इंग्रजी, गुजराती इत्यादी भाषा अवगत असून त्यांचे आजपर्यंत अहिराणी भाषेत 22, मराठीत 23, हिंदीत 75, अनुवादीत 19 ग्रंथ प्रकाशित झाले आहेत. त्यांच्या एकूण ग्रंथांची संख्या जवळपास 139 इतकी आहे. प्राचार्य डॉ. बापूराव देसाई यांनी विविध कार्यांमध्येही सक्रीय सहभाग नोंदविलेला आहे. त्यांनी विविध मानांकित उच्च पदावरील पदेही सन्मानाने भूषविलेली आहेत. त्यांना अनेक पुरस्कार देखील वेळोवेळी प्राप्त झाले आहेत.
    सद्यस्थितीत त्यांची ‘करनी तशी भरनी’ हि अहिराणी कादंबरी प्रकाशित होत आहे. सदरील अहिराणी कादंबरीला विविध क्षेत्रातील मान्यवरांनी उत्कृष्ट शुभेच्छारूपी प्रस्तावना देखील लिहून दिल्या आहेत.
    प्रस्तुत ‘करनी तशी भरनी’ हि अहिराणी कादंबरी निश्चितच आपल्याला आवडेल यात तिळमात्र शंका नाही.

    Karani Tashi Bharani

    ₹225.00
    Add to cart

  • कर्मसाक्षी (कादंबरी)

    मराठी कादंबरी प्रवाहात चरित्रात्मक कादंबऱ्यांची संख्या विपूल आहे. पण त्या प्रामुख्याने इतिहासपुरूष आणि राजकीय – सामाजिक विश्वातील महापुरूष यांच्या चरित्रांना उजाळा देणाऱ्या आहेत. ग्रामीण मातीतून स्वत:चे आयुष्य स्वत:च्या कल्पनेने व कष्टावर पेलुन नेणाऱ्या सामान्य माणसाच्या जीवनावर आधारित चरित्रात्मक कादंबऱ्या दुर्मिळ आहेत. म्हणूनच डॉ.सुभाष महाले यांच्या ‌‘कर्मसाक्षी’ कादंबरीचे मूल्य व महत्व श्रेष्ठ मानायला हवे!
    भटक्यांची यशोगाथा, गांधीवादी नायकाची शैक्षणिक विजयकथा आणि प्रस्थापितांच्या विरोधातील नाट्यपूर्ण संघर्षकथा म्हणून ‌‘कर्मसाक्षी’चे महत्व निर्विवादच आहे.

    – डॉ. श्रीपाल सबनीस
    अध्यक्ष, 89 वे अखिल भारतीय मराठी साहित्य संमेलन, पिंप्री चिंचवड, पुणे.

    Karmasakshi (Kadanbari)

    ₹275.00
    Add to cart
  • -11%

    कलासंस्कृतीचे उपासक : डॉ. बाबासाहेब आंबेडकर

    डॉ. अशोक इंगळे यांचे ‌‘कलासंस्कृतीचे उपासक डॉ. बाबासाहेब आंबेडकर’ हे छोटेखानी पुस्तक म्हणजे डॉ. आंबेडकरांच्या व्यक्तिमत्वातील कलाभिरुची ठळकपणे अधोरेखित करणारे आहे.
    डॉ. बाबासाहेब आंबेडकर हे संगीत, विनोद, नाटक, चित्रपट, लोककला, जलसे अशा साऱ्याच कलाविष्काराबद्दल वेगवेगळ्या प्रसंगी व्यक्त झाले आहेत. त्यांच्या या व्यापक वैचारिक विश्वात कलाभिव्यक्तीचे स्थान अल्पसे व प्रासंगिक असले तरी ते दलित, उपेक्षितांसह साऱ्याच बहुजनांच्या कलाविष्काराला नवी सौंदर्य आणि समाजशास्त्रीय दृष्टी प्रदान करते. शिवाय त्यांच्यामध्ये एक सांस्कृतिक उमेदही जागवते. कलेच्या विविधांगी क्षेत्रात आवडीने हस्तक्षेप करणाऱ्या या महान कला उपासकाच्या अनोख्या सौंदर्यदृष्टीचा आगळावेगळा वेध डॉ. इंगळे यांनी या लेखनातून घेतला आहे. त्यामुळे त्यांचे हे लेखन अनेकार्थाने वेगळे ठरते.
    डॉ. बाबासाहेब आंबेडकरांच्या कलेविषयीच्या दृष्टीकोनाला यानिमित्ताने डॉ. इंगळे यांनी मोठ्या परिश्रमाने प्रकाशात आणले आहे. म्हणून या पुस्तकाचे रसिक, वाचक स्वागत करतील अशी आशा आहे.

    – डॉ. मिलिंद कसबे

    Kalasanskrutiche Upasak : Dr. Babasaheb Ambedkar

    Original price was: ₹90.00.Current price is: ₹80.00.
    Add to cart

  • कविचंद भाट – सामाजिक व राजकिय कारकिर्द

    Kavichand Bhat – Samajik V Rajkiya Karkird

    ₹200.00
    Add to cart

  • कवितार्थ

    कवितेचे अध्यापन करताना तिचे आकलन एकतर शब्दाच्या आणि अर्थाच्या अंगाने भाषिक पातळीवर व्हावे लागते. कविता ही कोणत्यातरी भाषेत उमटलेली एक उक्ती असते. या उक्तीला कानांवर पडणारे एक शब्दरूप असते आणि मनात समजणारे एक अर्थरूप असते. कवितेची भाषा व्यावहारिक भाषेपेक्षा कमी-अधिक प्रमाणात निराळी, काहीशी कृत्रिम असते. ती किती वेगळी असेल ते त्या त्या काळातील संकेत कसे आहेत आणि कवीने त्या संकेतांची कितपत बूज राखली आहे यावर अवलंबून असते. म्हणून अध्यापकाने कविता सुयोग्यपणे वाचायला हवी. त्यातून कवितेचे शब्दरूप तर प्रकट होईलच, पण तिचा अर्थ समजायलाही पुष्कळच मदत होते. कवितेतील एका शब्दाचे नाते दुसऱ्या शब्दाशी कसे लागते, शब्दांचे नाते त्याच्या अर्थाशी कसे लागते, अर्थाचे नाते जगण्याशी आणि समाज-संस्कृतीच्या खळाळत्या प्रवाहाशी कसे लागते याची एकसंध रीतीने प्रचीती येईल असे कवितेचे अध्यापन अपेक्षित आहे.

    – डॉ. आशुतोष पाटील

    Kavitartha (Nivadak Aadhunik Kavita)

    ₹95.00
    Add to cart

  • काटेरी पायवाट आकलन आणि आस्वाद

    अनंता सूर यांचे ‌‘काटेरी पायवाट’ हे एक महत्त्वाचे संघर्षशील आत्मकथन विदर्भातील शेतकऱ्यांच्या समस्या आणि बेरोजगारीची समस्या याविषयी धीटपणे आणि दाहक विचार मांडणारे जळजळीत लेखन आहे. शिक्षण व्यवस्थेतील भ्रष्ट्राचार, बाजारू वृत्ती, आणि मस्तवालपणा यांसारख्या कुप्रवृत्तीवर अनंतानी आपल्या अनुभवांच्या आधारे नेमकेपणाने बोट ठेवले आहे. सामान्य माणसांचा संघर्ष आणि चिवटपणे जगण्याची जिद्द याचे वर्णन या आत्मकथेत परखड आणि प्रांजळपणे व्यक्त झाले आहे.
    बेकारी आणि गरिबीशी झुंज देत लेखकाने जगण्याचा संघर्ष केलेला आहे. दहावीत गणितात दोनदा नापास होऊनही प्राध्यापक होण्यापर्यंतच्या पात्रतेचे उच्च शिक्षण तो घेतो. नौकरीअभावी नागपुरात सायकलने पाच नामांकित महाविद्यालयात तासिका तत्त्वावर काम करतो. प्रचंड उमेद आणि ऊर्जा घेऊन तो बेरोजगारीशी झगडत राहतो. म्हणूनच अनंताचे या आत्मकथनातील दुःख आणि दैन्य वाचतांना वाचक अंतर्मुख आणि आशावादी होतो हे या आत्मकथेचं यश आहे.

    – शरणकुमार लिंबाळे

    Kateri Paywat Akalan ani Aswad

    ₹395.00
    Add to cart

  • काव्यगंध

    जीवनवास्तवातून वाट्यास येणाऱ्या अनुभवविश्वाच्या अंतरंगाचे अल्पाक्षरी पण भेदक काव्यात्म दर्शन घडविण्यासाठी कविता आकाराला येत असते. व्यक्तीच्या वैयक्तिक भावविश्वाच्या पडझडीपासून भोवतालच्या जगण्यातील अस्वस्थताजनक घटना-प्रसंगांपर्यंत अभिव्यक्तीचा पैस असलेली कविता विशिष्ट रचनाबंधातून प्रत्ययास येत असते. आत्मनिष्ठ भावकविता ते समाजनिष्ठ जीवनवादी कविता अशा भिन्न भिन्न जाणीवांच्या संपुटातून आकारास येणारी काव्यरचना त्या त्या कविव्यक्तिमत्त्वाच्या जीवनविषयक आकलनाचे, जीवनदृष्टीचे प्रत्यंतर देत असते. अशा अंगाने कविता समजून घेण्याची उत्सुकता विद्यार्थ्यांमध्ये निर्माण व्हावी या भूमिकेतून सदर पुस्तक सिद्ध झालेले आहे. बहिणाबाई चौधरी ते सुदाम राठोड असा आधुनिक मराठी कवितेचा सुमारे शतकभराचा प्रवास लक्षात आणून देणाऱ्या एकूण सोळा कवितांचे हे संपादन आहे. जीवनविषयक आणि काव्यविषयक विविधांगी जाणिवांची दृष्टी विद्यार्थ्यांच्या मनात पेरणाऱ्या या कविता प्रामुख्याने दीर्घरचनेच्या रूपबंधातून प्रत्ययास येतात. अभ्यासक्रमाच्या उद्देशाने सिद्ध झालेल्या पुस्तकाचा एक चांगला नमुना सदर पुस्तक प्रस्तुत करते.

    – आशुतोष पाटील

    ₹195.00
    Add to cart

  • काव्यतरंग

    मानवी समाज व्यवस्थेत अनेक प्रकारचे जगण्याचे दृष्टीकोन असतात. व्यवस्थेबद्दल काही बोलताना कवीची कविता ही व्यवस्थेशी निगडीत असलेल्या अनेक पैलूंमधून वाचकांसमोर येत असते. कवीच्या काव्यातील जाणिवांचा अपरिहार्य भाग काव्यरुपाने रसिक वाचकांसमोर येत असतो. त्यातून कवीचे भावविश्व व एकंदर परिस्थितीचे आकलन होताना दिसते. भोवतालच्या बदललेल्या वास्तवाचे केवळ वर्णन न करता कवी आजच्या माणसासमोरचे जगण्याचे प्रश्न टोकदारपणे मांडताना दिसतात. वाड्या-वस्त्या, ग्रामीण, निमशहरी, शहरी या परिसरातील मानवी जीवनाचे जगण्याचे ताणे-बाणे, अंतर्गत व बाह्य संघर्ष, कवींच्या लेखणीतून अपरिहार्यपणे येतात. भावनांनी ओथंबलेल्या कवी मनाचे अविष्कार विविध विषयांना थेटपणे भिडतात.
    नव्या कवींकडे असलेली सर्जनात्मक प्रतिभा मानवी समाजव्यवस्थेला आस्वादात्मक पातळीवर कशा प्रकारे आकृष्ट करते यावर त्या कवीच्या कवितेचे मूल्यमापन होते. या कसोटीवर खानदेशच्या कवींनी लिहिलेल्या कविता एक नव्या दिशेकडे नेणार्‍या आहेत हे निश्चित.

    Kavyatarang

    ₹60.00
    Add to cart

  • काव्यतरंग एक आस्वाद

    खानदेशला साहित्याचा वारसा प्राचीन काळापासून लाभलेला आहे. काळाच्या प्रत्येक टप्प्यावर यामध्ये निश्चितपणे चांगली भर पडलेली आहे. हा वारसा समृद्धपणे जतन करण्याचे काम आजची नवकवींची पिढी तितक्याच ताकदीने करत आहे. या नवकवींमध्ये अशोक सोनवणे, पांडुरंग सुतार, संजीवकुमार सोनवणे, चामुलाल राठवा व रावसाहेब कुवर हे अग्रणी आहेत. नव्या-जुन्यांचा चांगला मेळ घालून संवेदनशील, विचारप्रवर्तक, सामाजिक जाणीवांनी भरलेल्या, दुर्दैम्य आशावादाने प्रेरित असलेल्या या नवकवींच्या कविता निश्चितच आपल्याशा वाटतात. समकालीन जाणिवांचा अचूक वेध घेण्याचे, कवितेच्या कलात्मकतेची बाजू सक्षम असण्याचे, वाचकरसिकांना अस्वस्थ करण्याचे सामर्थ्य या खानदेशकवींच्या कवितेत निश्चितपणे आहे. खानदेशच्या या ‘काव्यतरंग : एक आस्वाद’ या पुस्तकात जुन्या-नव्या कवींचा समन्वय साधण्याचा निश्चितपणे प्रयत्न केला आहे. विद्यार्थ्यांच्या भावविश्वाला हे कवी निश्चितच ढवळून काढतील व ज्ञानाचा, संवेदनशीलतेचा नव्याने परिचय करुन देतील एवढी ताकद त्यांच्या कवितांमध्ये आहे. विद्यार्थी व शिक्षकांसाठी ही चर्चा नक्कीच उपयुक्त ठरेल. मराठी कवितेच्या प्रांगणातील खानदेशी कवींचे स्थान, एकूणच काव्य वाङ्मयातील स्थान याबद्दल काही एक निर्णय घेण्यास ही समीक्षा उपयुक्त ठरावी. याखेरीज काव्य: संकल्पना, स्वरूप, वैशिष्ट्ये, कवितेचे घटक, कवितेेचे प्रकार, मराठी कवितेची वाटचाल, खानदेशची काव्य परंपरा हा भाग उपयुक्त ठरावा, यासंबंधीची सखोल चर्चा सदरील पुस्तकात केली आहे.

    Kavyatarang Eka Aswad

    ₹95.00
    Add to cart

  • काव्यधारा

    एखादी व्यक्ती कवी आहे; म्हणजे आयुष्यातील प्रत्येक क्षण ती कवितेतच जगते असे नाही, तर प्रतिभेचा झटका यावा आणि कविता लेखनाला प्रारंभ करावा, हा प्रारंभ रात्री अपरात्री, सकाळ, दुपार, सायंकाळी केव्हावी कुठेही असू शकतो किंवा होऊ शकतो. एकतानतेमधून निर्माण झालेला हा प्रारंभ कवितेच्या निर्मितीची अस्सलपणाची नांदीच दर्शवित असतो. कविता प्रारंभ होते तो क्षण ते कविता समारोपाचा क्षण येथपर्यंतच प्रत्येक कवी हा कवी असतो. नंतर त्याची कविता ही त्याची न राहता लोकांची बनून जाते; ज्यावेळी रसिक वाचकांच्याच अनुभवाचं, स्पंदनांचं आणि जीवनाशयाचं संगीत बनून जाते!

    Kavyadhara

    ₹85.00
    Add to cart

  • काव्यसुधा

    वाहरु सोनवणे, प्रकाश किनगावकर आणि अशोक कोतवाल हे खानदेशातील समकालिन कवितेचे महत्त्वाचे प्रतिनिधी आहेत. देशाच्या स्वातंत्र्यानंतर खानदेशासारख्या ग्रामीण आदिवासी बहुल भागात सामाजिक स्तरावर घडून आलेल्या स्थित्यंतरातून ह्या कवींच्या जाणिवांना अभिव्यक्त होण्यास संधी मिळाली. 1975-80 नंतर ओस पडलेल्या खेड्यांमधून शिकलेली तरुण मुले नोकरीच्या निमित्ताने शहरात स्थायिक झाली. हळुहळु ‘शहरी’ होत गेली. पण गावाशी, गावाच्या कृषीजीवनाशी असलेली नाळ मात्र त्यांना तोडता आली नाही. यातून वाट्यास आलेले दुभंगलेपण प्रकाश किनगावकरांच्या कवितेला प्रेरणा देणारे ठरले. ज्यांच्या घरातली पहिली पढिी शिक्षणाकडे वळू लागली आणि मुख्य प्रवाहात येण्यासाठी धडपडू लागली, अशा आदिवासी बांधवांना स्वतःची संस्कृती व जीवनविशेष शहरी संस्कृतीच्या झगमगाटात उपरे ठरत असल्याचे जाणवू लागले. स्वातंत्र्याचे लाभ व लोकशाहीची हमी यांपासून वंचित ठेवल्या गेलेल्या आणि शोषणव्यवस्थेच्या बळी ठरलेल्या आदिवासींचा हुंकार वाहरु सोनवणे यांच्या कवितेतून प्रकट झाला. अशा संवेदनशील मनांची नागरी जीवनाच्या धबडग्यात होणारी घुसमट अशोक कोतवाल यांच्या कवितेतूनही आलेली आहे. आधुनिकीकरण व जागतिकीकरण या नावाखाली सुरु असलेले सामान्य माणसांचे अगतिकीकरण विशेषतः मूल्यर्‍हास व मानसिक पातळीवरील पडझड याचे सूक्ष्म व मार्मिक भान कोतवालांची कविता व्यक्त करते.

    Kavyasudha

    ₹45.00
    Add to cart

  • काव्यांकुर

    “…प्रीतिभावना, निसर्गजाणीव, सामाजिक जाणीव आणि राष्ट्रभावना ही मराठी कवितेतून सातत्याने आणि प्रत्ययकारीपणे आविष्कृत होणारी प्रधान आशयसूत्रे आहेत. त्यांचा आविष्कार करणार्‍या प्रातिनिधिक अशा निवडक कवितांचा समावेश सदर संपादनात केलेला आहे. अर्थातच या निवडीच्या केंद्रस्थानी कवी नसून कविता आहेत. विशिष्ट आशयसूत्र प्रभावीपणे व्यक्त करणारी प्रथितयश, प्रख्यात कवीची रचना असे या कवितांच्या निवडीमागील सूत्र आहे… कविता निवडताना त्या निरनिराळ्या कालखंडातील महत्त्वाच्या कवींच्या कविता असाव्यात याचे भान राखलेले आहे. एका प्रधान आशयसूत्राचे भिन्न भिन्न पैलू वा कंगोरे व्यक्त करणार्‍या कविता निवडाव्यात ही बाबही संपादन करताना आवर्जून लक्षात घेतलेली आहे… पदवीच्या प्रथम वर्षात शिकणार्‍या मुलांना कविता या साहित्यप्रकाराचा परिचय करुन देताना त्यांच्या भावनिक आणि वैचारिक विश्वाचे भरणपोषण करणार्‍या कविता या संपादनात समाविष्ट करण्यात आलेल्या आहेत… म्हणूनच कविता आणि जीवन या दोहोंची समज विकसित करणारे अंकुर विद्यार्थ्यांच्या मनातून फुलून यावेत ह्या अपेक्षेने हे संपादन सादर करीत आहोत…”

    Kavyankur

    ₹60.00
    Add to cart