-
माती
₹160.00जीवनात आईचे स्थान महत्वाचे आहे. ती दूध पाजून मोठे करते. संस्कार करते. तिचे ॠण फिटू शकत नाहीत. त्याचप्रमाणे माती हीसुध्दा आईच्याच स्थानी आहे. शेतीत राबताना अनेक अनुभव आलेत. तिच्या कुशीत वाढलेली विविध पिके पाहून काव्य सुचले. कष्ट करताना अनुभव आलेत तेच या ठिकाणी मांडलेत. तिच्यामधून जे अन्नधान्य पिकले त्यावर शरीर, मन पोसले गेले. मातीने कवीला समृध्द केले. शेतीविषयी लळा लावला. जीवनाचा अंतही मातीतच होणार आहे. तिच्या कुशीतच विसावा मिळणार आहे. म्हणून तिच्याविषयीची कृतज्ञता मानून काव्यसंग्रहास ‘माती’ हे नाव दिले.
बालपणापासून शेतकरी कुटूंबात येणारे अनुभव पाठीशी होते. तेच सगळे विचार काव्यातून व्यक्त केलेले आहे. ग्रामीण भागातील शेतकर्‍यांच्या व्यथा, दु:ख, ग्रामीण जीवन, ग्रामीण भागातील सत्य परिस्थिती अतिशय सुंदर शब्दात येथे व्यक्त झाली आहे. कविवर्य ना.धों. महानोरांच्या शब्दांत –“ह्या नभाने या भुईला दान द्यावे आणि या मातीतून चैतन्य गावे कोणती पुण्यं येती अशी फळाला जोंधळ्याला चांदणे लगडून जावे”
Mati Kavyasangrah
-
मातीत अजून ओल आहे
₹350.00खान्देशातील साहित्याची वाङ्मयीन मौलिकता ही एकूण मराठी वाङ्मयाच्या संदर्भातच तपासून पाहायला हवी. या दृष्टीने अन्य कोणत्याही वाङ्मयप्रकारांपेक्षा कविता ह्या वाङ्मय प्रकारात खान्देशातील लेखकांनी घातलेली भर लक्षणीय स्वरूपाची आहे; हे महत्त्वाचे निरीक्षण येथे नोंदवावे लागते. खान्देशातील ‘कवी केशवसुत पुरस्कार’ प्राप्त करणाऱ्या गणेश चौधरी, त्र्यंबक सपकाळे, पुरुषोत्तम पाटील, अनुराधा पाटील, उत्तम कोळगावकर, मनोहर जाधव, शशिकांत हिंगोणेकर आणि मंगेश नारायणराव काळे या आठ कवींची कविता एकत्रित स्वरूपात वाचताना सन 1950 ते 2000 या कालखंडातील मराठी कवितेचा व्यापक पट आपल्या डोळ्यांसमोर उभा राहतो. मराठी कवितेच्या अशा दीर्घ वाटचालीतील महत्त्वाच्या टप्प्यांवर ह्या कवींची कविता उभी आहे.
Matit Ajun Oal Aahe
-
मातीमोल (काव्यसंग्रह)
₹110.00मातीमोल होणं म्हणजे सगळं काही गमावणं, जे काही केलं त्याला काहीही किंमत न मिळणं असा सरधोपट अर्थ अनेकदा लावला जातो. मात्र, या अर्थाच्याही पलीकडं ज्याला मातीचं मोल आकळतं, त्यालाच मायमातीची वेदना उमगू शकते. कवी डॉ. कुणाल पवार यांना हे माती ‘मोल’ नेमकं कळलेलं आहे, याची प्रचिती या संग्रहातील कवितांमधून येते. म्हणूनच जेव्हा ते म्हणतात, ‘मी मात्र उतू न जाता राहावं जमिनीवरच सामान्य माणसातला कवी म्हणून अखेरपर्यंत!’ तेव्हा त्यांच्या कवितेतला प्रामाणिकपणा अधिक उठून दिसतो. आपली नाळ ही मातीशी जोडलेली असते हे कधी विसरू नये. याच प्रेरणेतून मातीशी इमान राखून तिच्याबद्दलची आत्मीय असोशी या कवितांमधून पदोपदी दिसत राहते. याच मातीत शेती फुलते, शेतकऱ्यांच्या स्वप्नांचे बीज रुजते, याच मातीच्या गर्भातून सर्जनाचा जन्म होतो… माती खूप काही देते आणि शिकवतेही… जेव्हा जेव्हा अस्मानी-सुलतानी संकटांनी शेतकऱ्यांचं कंबरडं मोडतं तेव्हा हीच माती त्यांचा आधार होते, पुन्हा नव्याने रुजण्याचा आशावाद पेरते. कवी डॉ. कुणाल पवार यांच्या या संग्रहातील कवितांमधून हा मातीनंच दिलेला आशावाद दिसतो. शेतकरी बापाचं पिढीजात दु:ख मांडताना ही कविता हळवी होते, कातर होते… कधी कधी विद्रोहाचीही भाषा करते पण त्याला आक्रस्ताळेपणाचा जरासुद्धा स्पर्शही होऊ देत नाही. या संग्रहाच्या रुपाने कवी डॉ. कुणाल पवार यांनी मराठी कवितेच्या मातीत नवं रोप लावलेलं आहे, त्याला आशयसमृद्धीचं खतपाणी वेळोवेळी मिळावं आणि अनुभवांच्या अनेक अंगांनी हे कवितेचं रोप बहरत जावं ही अगदी मनापासून शुभेच्छा… बाकी माती सकस आहेच गरज आहे ती फक्त तिची योग्य ती मशागत करण्याची… पुनश्च एकदा कवी डॉ. कुणाल पवार यांचे कौतुक आणि स्वागत…
– दुर्गेश सोनार
Matimol
-
माध्यमांसाठी लेखन व संवाद कौशल्य
₹95.00भारतात वृत्तपत्र, आकाशवाणी, दूरचित्रवाणी इ. माध्यमं ही प्रभावी प्रसारमाध्यमं म्हणून ओळखली जातात. या तिनही प्रसारमाध्यमांचा विचार केला तर जागतिकीकरणाच्या या कालखंडात मुद्रित आणि श्राव्य माध्यमांमध्ये आमूलाग्र बदल झालेला आहे. यात वृत्तपत्र हे मुद्रित प्रसारमाध्यम आहे तर आकाशवाणी आणि दूरचित्रवाणी हे अनुक्रमे श्राव्य व दृकश्राव्य प्रसारमाध्यमं आहेत. विशेषतः आकाशवाणी व दूरचित्रवाणी यांचा विचार केला तर चोवीस तास चालणार्‍या या माध्यमांनी चकचकीतपणा, आकर्षक मांडणी, व तांत्रिकतेमुळे सर्वसामान्यांवर भुरळ पाडली. या माध्यमांचा आवाका व वेग इतका प्रचंड आहे की, त्यांच्या स्पर्धेत वृत्तपत्र हे मुद्रित प्रसारमाध्यम टिकणार नाही अशी एक भीती निर्माण झालेली होती. परंतु ही भीती फोल ठरली. वृत्तपत्रांनी ऑनलाईन रूप धारण केलेले आहे तर श्राव्य माध्यमे ही चोवीस तास याप्रमाणे प्रसारित होत आहे. म्हणजेच या माध्यमांमधून व्यवसायाची मोठी संधी निर्माण झालेली दिसते. परंतु या माध्यमामध्ये काम करावयाचे असेल तर या माध्यमांसाठी आवश्यक असणारे लेखन कौशल्य हस्तगत करणे गरजेचे आहे. या माध्यमांसाठी लेखन कसे करायचे? या लेखनाचा आकृतिबंध कसा आहे? त्यासाठी कोणते तंत्र? व कोणती पथ्य पाळायची? यासाठी सदर पुस्तक मार्गदर्शकाची भूमिका बजावेल यात शंका नाही.
Madhymasanthi Lekhan and Sanvad Kaushalya
-
माध्यमांसाठी लेखन व संवाद कौशल्ये (भाग-2)
₹155.00आधुनिक समाजमाध्यमे ही आधुनिक जीवनाचा अविभाज्य भाग बनलेली आहेत. फेसबुक, व्हॉटस् अ‍ॅप, ट्विटर, यूट्युब या आधुनिक समाज माध्यमांनी पारंपारिक मुद्रित व दृक्श्राव्य माध्यमांसमोर केवळ आव्हानच उभे केलेले नाही तर या माध्यमांना अधिक विकसित व प्रगत बनवले. सोशन मिडिया म्हणून स्वतःची स्वतंत्र ओळख व स्थान निर्माण केले. व्यक्तिकेंद्री असणार्‍या सोशल मिडियाने सामाजिक अभिव्यक्तीला रचनात्मक व प्रयोगशील बनवले. सर्वसामान्यांचा आवाज बुलंद केला. आशयाचे विविध पदर उलगडले. एवढेच नव्हे तर आभासी विश्वाला तसेच त्यावर नोंदवल्या जाणार्‍या मतांना वास्तवात दखल घेण्यास भाग पाडले. म्हणून मानवी संज्ञापन क्रांतितील सोशल मिडिया हा महत्वाचा टप्पा ठरतो.
Madhyamasathi Lekhan V Sanvad Kaushalye (Bhag 2)
-
मासा काव्यसंग्रह
₹110.00वाचकहो,
मंगल मैत्रीपूर्ण नमस्कार.
मित्रांनो, शाब्दीक कल्पनांना काव्यरूपात मांडता येणे हा अनुभव किती छान असतो, याची प्रचिती एखादी कविता आपण स्वत: लिहील्याशिवाय येणार नाही. कविता म्हणजे मनातून प्रकट होणारा मेंदूपर्यंत पोहचून कागदावर उमटणारा घटकच जणू काही. शब्दांचे भांडार उघडून त्यातील निवडक शब्द उचलून जुळवाजुळव करतांना खूप अनुभव येत जातात. अशा अनेक अनुभवांची गाठोडी प्रत्येक कवीच्या पाठीवर असते.
मोठमोठ्या लाटांनी खळखळत्या आवाजांसह एकच धांदल उडवून द्यावी आणि एखाद्या शांत झर्‍याने आवाज न करता आपला प्रवास सुरू ठेवावा अशा वातावरणातून कवितेचा उगम होतो.
‘सुचलेल्या, स्फुरलेल्या,
खूप काही दडलेल्या’
अशा या माझ्या काही कवितांच्या कवितासंग्रहाने वाचकांच्या मनात नवीन प्रेरणा उत्पन्न करावी आणि त्यातून नव्या स्फूर्तीचा उगम व्हावा हाच या कवितासंंग्रहाचा हेतू आहे.– सुनिता अरविंद महाजन
Masa Kavyasangrah
-
माही माय बहिनाई
₹135.00‘बहिणाईची गाणी’ चे गारूड 1952 पासून मराठी मनावर कायम आहे. बहिणाबाईंच्या गाण्यांची निर्मितिप्रक्रिया सहृदयपणे उलगडून दाखवणारी ‘खोप्यामधी खोपा’ ही कादंबरी, साहित्य अकादमीने प्रकाशित केलेला ‘बहिणाबाई चौधरी’ हा काव्यचिकित्सा करणारा मोनोग्राफ, ‘बहिणाईची गाणीः शैलीवैज्ञानिक समीक्षा’, अनुवादविज्ञानाचे भान सांभाळून आणि बोली रूपांतराच्या मर्यादांची जाण ठेवून केलेला ‘बहिणाईना गाना’ हा अहिराणी बोलीतील अनुवाद हा आगळावेगळा उपक्रम इ. पाच सहा पुस्तकांमधून बहिणाबाईंचे काव्यकर्तृत्व विविध अंगांनी मांडणारे प्रा.डॉ. प्रकाश सपकाळे बहिणाईचा घेतलेला ध्यास व अभ्यास,चिंतन यातूनच ‘माही माय बहिनाई’ हा खानदेशी – तावडी बोलीतील काव्यसंग्रह साकार झालेला आहे.
एखादा विषय (थीम) घेऊन त्यावर मराठी भाषेत लिहिलेला पाच पन्नास कवितांचा संग्रह काढणे, ही कल्पना आता नवीन राहिलेली नाही. क वयित्री बहिणाबाई चौधरी आणि त्यांची कविता या विषयावरील कवितांची एक छोटेखानी पुस्तिका इंद्रजित भालेराव यांच्यासारख्या प्रसिद्ध कवीने यापूर्वी काढली. आहे. प्रा.डॉ. प्रकाश सपकाळे यांचा ‘माही माय बहिनाई’ हा खानदेशी – तावडी बोलीतील अष्टाक्षरी छंदातील 50 कवितांचा संग्रह बहिणाबाईंचे व्यक्तिमत्त्व व कवित्व, तत्कालीन सामाजिक, सांस्कृतिक पर्यावरण, बहिणाबाईंच्या काव्याचे प्रयोजन आणि त्यांच्या काव्याची चिकित्सक व आस्वादक समीक्षादेखील या कवितेतून वाचकांसमोर मांडते.
अस्सल तावडी बोलीतील या कविता बहिणाबाईंच्या गाण्यांशी जातकुळी सांगतात त्यामुळे बहिणाबाईंची भाषा अहिराणी, लेवा गणबोली की खानदेशी – तावडी बोली हा प्रश्नही आपोआप निकालात निघतो. कारण ‘बहिणाईची गाणी’ आणि ‘माही माय बहिनाई’ या संग्रहातील कवितांची बोली एकच आहे. बहिणाबाईंची कविता हा कवीच्या चिंतनाचा आणि चिकित्सेचा विषय असल्याने केवळ भक्तीपोटी केलेल्या आस्वादक समीक्षेपेक्षा सपकाळेंची कविता वेगळी ठरते.
बहिणाबाईंच्या कवितेचे समग्र आकलन होण्यासाठी ‘माही माय बहिनाई’ या संग्रहातील कविता उपयुक्त ठरतील यात शंका नाही.– प्रा.ह.भ.प. चत्रभूज पाटील
-
मीमांसा आणि (प्रे) श्रेयसाचा वेध
₹325.00मराठी समीक्षेच्या क्षेत्रात जिथे समीक्षकांची कमतरता आणि साचलेपण आलेलं अनुभवायला येतंय, तिथे नेहा भांडारकर ह्यांचा प्रस्तुत समीक्षा लेख संग्रह साहित्य क्षेत्रात वाचक, अभ्यासक आणि विद्यार्थी ह्यांना एक नवचैतन्याचा अनुभव प्रदान करू शकतो.
चिंतन आणि सूक्ष्म अवलोकन म्हणजेच प्रस्तुत ग्रंथ; ‘मीमांसा आणि (प्रे) श्रेयसाचा वेध.’
एखाद्या गोष्टीचा अर्थ शोधून, आपल्या विचारांना त्या अनुषंगाने तात्विक बैठक देताना अर्थांतरन्यास आणि प्रतिमांतरन्यास या परिप्रेक्ष्यातून ‘सायकोटीसिझम’ आणि ‘न्यूरोटिसिझम’ ह्या संकल्पनांच्या आधारावर सोदाहरण स्पष्ट केलेली कवी ग्रेस ह्यांची ‘साऊल’ ही प्रतिमा असो, किंवा कॉर्पोरेट परिप्रेक्षातून कविता महाजन ह्यांच्या ‘समुद्रच आहे एक विशाल जाळं’ ह्या दीर्घकविता संग्रहावर लिहिलेला आगळा वेगळा समीक्षा प्रवाह किंवा विचारधारा असो (समीक्षा प्रकार नव्हे); समकालीन वास्तवाला भिडणारे हे समीक्षा लेख त्यांच्या कल्पनाशक्तीचा, सर्जनशीलतेचा आणि कौशल्याचा प्रत्यय वाचकाला दिल्याशिवाय राहत नाही. रवींद्र लाखे ह्यांच्या ‘रीलया’ कथासंग्रहावर युटोपिया आणि डिस्टोपिया या संकल्पनांच्या आधारावर केलेली समीक्षेची मांडणी, ह्यावरून त्यांच्यात रुजत असणाऱ्या ‘नवतेच्या ध्यासाचा’ देखील अंदाज येतो.
ह्याच ग्रंथात भीष्म ह्या व्यक्तिरेखेवर डॉ. रवींद्र शोभणे ह्यांनी ऐतिहासिक दृष्टिकोनातून लिहिलेल्या ‘उत्तरायण’ ह्या कादंबरीवर आकलन आणि चिकित्सा ह्या अंगाने लेखिकेने चिकत्सक मांडणी केलेली आहे.
डॉ. अविनाश कोल्हे ह्यांनी ‘रंगदेवतेचे आंग्लरूप’ हे अमराठी भाषिक नाट्यसमिक्षेवर लिहिलेले महत्वाचे पुस्तकं. तसेच डॉ. दीपक बोरगावे ह्यांनी अनुवादित केलेल्या ‘मुलखावेगळया मुलाखती’ ह्या पुस्तकाचा सुध्दा रसदार परिचय प्रस्तुत लेखिका नेहा भांडारकर वाचकांना करवून देतात.
राष्ट्रीय आणि आंतरराष्ट्रीय पातळीवर मराठी, हिंदी आणि इंग्रजीतून लेखिकेने अनुवादित केलेले साहित्य तसेच साहित्य विषयक त्यांचे विश्व आणि त्या अनुषंगाने आलेले अनुभव, मुलाखती आणि फ्रेंच लेखिका सिमोन द बुवा ह्यांनी जपान मध्ये दिलेल्या दुर्मिळ फ्रेंच भाषणाचा मराठी अनुवाद तसेच कमला दास ह्या ‘कन्फेशनल’ कवयित्रीच्या लेखन शैलीचा अनुवादित कवितांसह दिलेला सोदाहरण परिचय ह्यामुळे हा समीक्षा ग्रंथ नक्कीच दर्जेदार झालाय.
भारतीय आणि पाश्चात्य लेखकांविषयी एकाच वेळी एकाच पुस्तकातून वाचण्याचा रसदार अनुभव देणारे हे पुस्तक मराठी अभ्यासक आणि वाचकांसाठी अनमोल योगदान ठरेल.Mimansa Aani Pre – Shreyasacha Vedh
-
मुक्ता
₹175.00कफनातल्या कळीने सरणास विचारले माझ्या सोबत पेटशील काय? चिरतरुण काळाने नियतीस विचारले माझ्या सोबत चालशील काय? काळ, नियती, अन् सरणाच्या अभद्र युतीस कळी बोलली आटप लवकर! काळाच्या उदराचा. नियतीच्या फेर्‍यांचा हिशोब द्यायचाय मला जन्म आणि मरणाचा…
Mukta
-
मुलींचे शिक्षण व महिला सक्षमीकरण
₹85.00स्त्री ही आपल्या कुटूंबाचा आधारस्तंभ असते. एका स्त्रीला शिक्षित केल्याने तिचे संपूर्ण कुटूंब शिक्षित होते. ती आईच्या रूपात आपल्या मुलांवर योग्य ते संस्कार करते. देशाची सामाजिक आणि आर्थिक प्रगती साधावयाची असेल तर पुरूषांसोबत स्त्रियांनाही शिक्षित करायला हवे. स्त्री शिक्षणाचे अनेक फायदे आहेत. शिक्षण प्राप्त करुन स्त्रीमध्ये आत्मसन्मान निर्माण होतो. त्याचबरोबर आपल्या कुटूंबाला त्याचे फायदे होतात. मुलींच्या शिक्षणासाठी विविध उपाययोजना राबविल्या जात असून त्यांचा उपयोग करून घेणे आवश्यक आहे. स्त्रीशिक्षणामुळे समाजात विविधांगी दृष्टीने प्रगती घडून येते. शिक्षणामुळे मुली व महिलांमध्ये स्वयंनिर्णयशक्ती प्राप्त होते. देशाच्या उज्ज्वल भवितव्यासाठी स्त्रियांचे शिक्षण अतिशय महत्त्वाची बाब आहे, मात्र आजही एकविसाव्या शतकात महिलांना पूर्ण स्वातंत्र्य हव्या त्या प्रमाणात मिळालेले नाही. परिपूर्ण देश तेव्हाच घडेल ज्यावेळेस स्त्रीस पूर्ण स्वातंत्र्य मिळेल.
राजमाता जिजाऊ, अहिल्यादेवी होळकर, झाशीची राणी, रमाबाई आंबेडकर, इंदिरा गांधी, कल्पना चावला, मेरी कोम, लता मंगेशकर, भिकाईजी कामा यासारख्या लोकोत्तर व्यक्तिमत्त्वांना या साहित्यकृतीतून प्रस्तुत केेले आहे. राष्ट्रनिर्मितीसाठी, समाजसुधारणीसाठी, महिला शिक्षण व महिला सक्षमीकरणाच्या दृष्टीने हे साहित्यलेखन प्रेरकशक्ती ठरतात.
प्रस्तुत पुस्तक हे विशेषकरून विद्यालयीन, महाविद्यालयीन मुली, महिला व त्यांच्या पालकवर्गासाठी उपयुक्त आहे.Mulinche Shikshan va Mahila Sakshamikaran
-
-
मोबाईल, व्हाट्सअप आणि फेसबुक मॅसेज
₹150.00आजच्या धळपळीच्या जीवनात थोडा वेळ करमणूकीत जावा यासाठीच हा लेखनप्रपंच. सगळ्याच लोकांचे व्हाट्सअप आणि फेसबूक असेल असे नाही. असले तरी ते नेहमी वापरतात असे नाही. त्यामुळे त्यांना मोबाईल, व्हाट्सअप आणि फेसबुकवरील विविध मॅसेजचा आनंद उपभोगता यावा यासाठी मोबाईल, व्हाट्सअप आणि फेसबुक मॅसेज हे पुस्तक लिहिण्यात आले आहे.
गेल्या 10 वर्षापासून मी मोबाईल, व्हाट्सअप आणि फेसबुकवर आलेल्या विविध मॅसेजचे अतिशय परिश्रमपूर्वक संकलन केले. हे विविधरंगी, विधिढंगी मॅसेज मला अतिशय आवडले. भावले. हे विविध मॅसेज आहे त्याच स्वरुपात मांडण्याचा आटोकाट प्रयत्न केला आहे. हे विविध मॅसेज मराठी, हिंदी आणि इंग्रजी या तिन्ही भाषेत आहे. विविध गंमतीदार जोक्स, आदर्शवादी सुविचार, विविध बोधपर, हास्यपूर्ण व गंभीर गोष्टी, सण-उत्सवादी प्रसंगी घेतले जाणारे उखाणे तसेच चारोळ्या, मेंदूला झिनझिण्या आणणारी विविध कोडी, धावपळीच्या आयुष्यातील दैनंदिन गंमतीदार, हसवणारे प्रसंग, प्रेमाची शेरोशायरी या सर्वांचा समावेश सदरील पुस्तकात केलेला आहे. याचा फायदा सर्वांना होईलच.
सर्वजण आवडीने वाचतील…. अगदी लहानांपासून ते थोरांपर्यंत…
सर्वांनी वाचावे असे मनोरंजनपर, गंमतीदार पुस्तक!
Mobile, WhatsApp and Facebook messages
-
मोहर
₹175.00मी वाघीण हाय… वाघीण… नरडीचा घोट घेईन… जित्ता सोडणार नाही… नोकरी गेली उडत… माझ्या शरीराला हात लावू देणार नाही कुणाला… माझं शरीर माझं आहे… नि माझ्या नवऱ्याचं… ते जरी आज हयात नाहीत… तरी त्यांचा तो प्रेमळ हात… माझ्या सर्वांगावर फिरतोय… असं मला सारखं वाटतंय… त्यांची बोटं माझ्या केसांतून फिरताय… असा मला भास होतोय… आणि ह्य भासावरच मी जगणार आहे… शेवटपर्यंत… कुण्याही जंगली जनावराला जवळ फिरकू देणार नाही… स्पर्शू देणार नाही… माझ्या देहाला… माझ्या मनाला…
Mohar
-
युगस्पंदन
₹125.00संगिता धोटे यांचा ‘युगस्पंदन’ हा जवळपास सर्वांगीण विषयांना स्पर्श करणारा संपादित काव्यसंग्रह प्रकाशित होत आहे; त्याबद्दल संगिताचे अभिनंदन! महाराष्ट्रातील नानाविध क्षेत्रात कार्यरत असलेल्या कवी-कवीयित्रींना एकत्र आणून बांधण्याचे काम तिने ‘युगस्पंदन’च्या माध्यमातून केले आहे. निसर्ग, शेती, बलत्कार, बाप, हुंडाबळी, दुष्टप्रथा, मन, पाऊस, भारतमाता, वैधव्य, शेतकरी, पत्रकार यांसारखे विषय कवींच्या काव्यातून प्रामुख्याने अभिव्यक्त झाले आहे.
स्त्रीवर्ग मोठ्या प्रमाणात साहित्याच्या प्रांतात भावनांना शब्दांच्या माध्यमातून मोकळा करीत आहे याची साक्ष या काव्यसंग्रहातून पटते. स्त्रीच्या दैनंदिन जगण्यातील बारकाव्यासोबतच तिचा जीवनसंघर्ष, शृंगार, लेकीचं नातं, बोहणी यांसारखे संवेदनशील विषय यामध्ये येतात. शिवाय पर्यावरण, गतकाळाच्या आठवणी, राजकारण, शब्दांचे श्रेष्ठत्व, शिक्षण आणि आदिवासींचे जगणे यांसारखे अनेक विषय यामध्ये आल्यामुळे काव्यसंग्रह वाचनिय बनला असे म्हणायला हरकत नाही.
संगिताच्या भविष्यकालीन वाटचालीस शुभेच्छा!– डॉ. अनंता सूर
Yugsapandhan
-
राजर्षी शाहू महाराजांची निवडक 16 भाषणे
₹160.00‘राजर्षी शाहू महाराजांची निवडक 16 भाषणे’ या पुस्तकाचे संपादक डॉ. अनंता सूर यांचे सधन्यवाद अभिनंदन करतो. नवे अभ्यासक अध्यापक फुले- शाहू-आंबेडकरांच्या तत्त्वज्ञानाची आणि क्रांतिकार्याची आपल्या बौद्धिक जीवनाच्या केंद्रस्थानी आदरपूर्वक प्रस्थापना करीत आहेत याचा मला विशेष आनंद वाटतो. कारण या त्रिसरणाचा प्रकाशदंड सकलांच्या समान ऐहिक हितसंबंधांचाच मूल्यदंड आहे. या प्रक्रियेचे क्षितिज विस्तारले तर महाराष्ट्रात आज आवश्यक त्या क्रांतिकारी ज्ञानसंस्कृतीचा प्रकर्ष होऊ शकतो.
राजर्षी शाहू महाराजांनी समान मानवी सन्मानासाठी अन्यायी ब्राह्मणी व्यवस्थेशी निकराचा संघर्ष केला. ही शाहू महाराजांची भूमिका पूर्णतः व्यवस्थाबदलाचीच आहे. परंपरादासांना मानसिक गुलामीतून मुक्त करण्यासाठी त्यांनी मानवाधिकारांची पायाभूत लढाई सुरू केली. शिक्षण, आरक्षण ही त्यांची कार्ये सर्वमानवसमभावी आहेतच पण ‘जातिभेद मोडून आपण सर्व एक होऊ’ ही त्यांची भूमिका आमूलाग्र क्रांतीची प्रकाशवाट निर्माण करणारीच आहे. सर्वांच्या समान मानवी प्रतिष्ठेची महत्ता त्यांना त्यांच्यावर झालेल्या अन्यायानेच पटवून दिली.
शाहू महाराजांच्या भाषणांनी वंचित लोकांना समान मानवाधिकारांसाठी लढायला शिकविले. त्यांच्या चळवळीमधून उगवलेली लोकशाही भेदातीत माणसांचा सिद्धान्त झाली. डॉ. अनंता सूर यांचे हे संपादन वाचकांच्या मनात शाहू महाराजांची भेदातीत लोकशाही प्रखर करील ही खात्री मला आहे.Rajarshri Shahu Maharajanchi Nivadak 16 Bhashane
-
राज्यशास्त्रातील संशोधन पद्धती
₹110.00संशोधन ही सतत चालणारी बौद्धिक प्रक्रिया आहे. या प्रक्रियेत जुन्या त्रुटी दूर करून नवीन वस्तुस्थिती कोणताही पुर्वग्रह मनाशी न बाळगता मांडली जाते. जे साध्य व सिद्ध करायचे असते यासाठी विशिष्ट साधनांचा अथवा रचनांचा भौतिकशास्त्रात ज्या पद्धतीने अवलंब केला जातो तोच फरक हा संशोधनाचे तंत्र व संशोधन पद्धतीमध्ये दिसून येतो. राजकीय अथवा सामाजिक संशोधनात संशोधनाचा अभ्यास, विषयाकडे पाहण्याचा दृष्टिकोन हा सर्वांचा सारखाच असत नाही. संशोधनात आपल्या उद्दिष्टाशी, दृष्टीकोनाशी नेहमीच कटिबद्ध रहावे लागते. हा दृष्टीकोन ऐतिहासिक, तुलनात्मक, विश्लेषणात्मक, रचनात्मक, कार्यात्मक यापैकी कोणताही असू शकतो. संशोधनात बुद्धीनिष्ठता, वस्तुनिष्ठता, तर्कशुद्धतेचा विशेष अवलंब केला जातो.
सामाजिक शास्त्रातील संशोधनामध्ये संशोधकाचा संबंध हा वास्तविक घटनांशी तसेच सजीव व्यक्तीशी येत असतो. राज्यशास्त्रातील संशोधनामध्ये प्रतीकांची व तथ्यांची हाताळणी व पडताळणी सहेतुक पद्धतीने करावी लागते. विशिष्ट वस्तू किंवा व्यवस्थेविषयी, समस्येविषयी डोक्यात येणारी कल्पना म्हणजे ढोबळ मानाने संकल्पना होय. या संकल्पनेचे अवलोकन करून संशोधक निष्कर्ष काढत असतो. हे निष्कर्ष संशोधनाचे स्वरूप ठरविण्यासाठी महत्वाचे असते. संशोधनात कोणतीही घटना किंवा प्रसंग भावनेच्या चष्म्यातून पाहिला जात नाही. तर वारंवार त्याची पडताळणी केली जाते आणि मगच तथ्यापर्यंत पोहचता येते.
सामाजिक परिस्थितीच्या पार्श्वभूमीवर राजकीय घटनांची वास्तवता कशी शोधावी, राजकीय घटना अथवा घडामोडींचा अन्वयार्थ कसा लावावा, राजकीय सिद्धांताची मांडणी कशी करावी, राजकीय तसेच त्या अनुषंगाने सामाजिक स्वरूपाची गृहीतके कशी मांडावीत तसेच त्यांची पडताळणी करून निष्कर्षाची मांडणी कशा पद्धतीने करावी यासाठी प्रस्तुत ग्रंथ उपयोगी आहेच त्याचबरोबर संशोधनाची ओळख, त्यांचे स्वरूप, संशोधनाची वैशिष्ट्ये, आव्हाने, समस्या व संशोधनाच्या पद्धती, त्याची गृहीतके तसेच ध्येय आणि उद्दिष्टांच्या माहितीचे स्पष्टीकरण यांचेही मुद्देसूद विवेचन शास्त्रीय पद्धतीने केले आहे.
Rajyashastratil Sanshodhan Paddhati
-
रोजगार हमी योजना आणि शेतमजूर स्त्रियांचे आर्थिक सबलीकरण
₹225.00स्वातंत्र्यानंतर विविध वैद्यकीय सोयीत वाढ झाल्यामुळे लोकसंख्या वेगाने वाढली. वाढत्या लोकसंख्येला रोजगार पुरविणे अत्यंत आवश्यक होते – कारण बेरोजगारांचा बोझा अर्थव्यवस्थेच्या विकासाला अडथळा निर्माण करतो हे शासनाच्या लक्षात आले होते. त्याकरिता रोजगार उपलब्ध करुन देणारी योजना स्थापने अनिवार्य होते. महाराष्ट्रातील सिंचीत क्षेत्राखालील जमिनीचे प्रमाण खूपच कमी होते व आहे. कोरडवाहू जमिनीचे प्रमाण सर्वाधिक आहे. यामुळे शेतीतून विशिष्ट कामासाठीच रोजगार उपलब्ध होत होता. उर्वरीत काळात भूमीहीन शेतमजूर, शेतकरी व अन्य रोजगारावर अवलंबून असणारे मजूर यांची अवस्था अत्यंत हलाखीची होत असे. राज्याचा कोणता ना कोणता भाग अवर्षणाच्या छायेत असायचा. ग्रामीण भागातील अल्पभूधारक, प्रचंड उपासमारी यामुळे ग्रामीण परिसरातील लोक स्थलांतर होत होते. वाढत्या स्थलांतरामुळे ग्रामीण भाग ओस पडून शेती उत्पादनावर विपरित परिणाम होत होता या पार्श्वभूमीवर महाराष्ट्र विधानसभेचे तत्कालीन अध्यक्ष श्री.वि.स. पागे यांनी या योजनेची आखणी केली.
देशाला स्वातंत्र्य मिळाले, वेगाने विकासासाठी पंचवार्षिक योजनाही सुरु झाल्यात, परंतु गत सहा दशकात दारिद्य्र निर्मलून व बेरोजगारी नष्ट झाली नाही. एकूण लोकसंख्येत स्त्रियांचा वाटा समाधानकारक असतानाही समाजात आजही स्त्रियांचे स्थान दुय्यमच आहे. समाज व्यवस्थेतील पुरुषांप्रमाणे स्त्रियांना रोजगार उपलब्ध व्हावा यासाठी शासनाकडून सातत्याने प्रयत्न होत आहेत. या हेतूने रोजगार हमी योजना आणि शेतमजूर स्त्रियांचे आर्थिक सबलीकरण या ग्रंथात अत्यंत बारकाईने रोजगार हमी योजनेचे स्वरुप व कार्यपध्दती, स्त्री शेतमजुराची आर्थिक स्थिती, रोजगार हमी योजनेत स्त्री श्रमिकांना उपलब्ध रोजगार व सोयी, रोजगार हमी योजनेतील निधी, खर्च व त्याचे रोजगारावरील परिणाम, स्त्री सबलीकरण व शासन स्तरावरील योजना, जागतिकीकरण व स्त्री सबलीकरण : स्वरुप व परिणाम या अनेक घटकांचा सखोल अभ्यास करण्यात आलेला असून, सदरील ग्रंथ समाजचिंतक, अभ्यासक, धोरणकर्ते यांच्यासाठी निश्चितच उपयुक्त ठरेल.Rojgar Hami Yojana Ani Shet Majoor Sriyanche Aarthik Sablikaran
-
ललितरंग
₹95.00सदर पुस्तकात सात लेखकांच्या ललित गद्य लेखनाचा समावेश केला आहे. ‘स्त्रीविषयक ललित गद्य’ असे सदर पुस्तकातील ललित गद्याचे विशिष्ट असे सूत्र आहे. स्त्री आणि पुरुष दोहोंचा म्हणजे ‘मी’चा लेखनातून व्यक्त होणारा स्त्रीविषयक दृष्टिकोन, त्या अंगाने घटना-प्रसंग, व्यक्ती याबाबत ‘मी’चे व्यक्त होणे, भावनात्मकता आणि चिंतनशीलता यातून स्त्रीविषयक अनुभवाचा अन्वयार्थ लावू पाहणे या सगळ्या बाबी विद्यार्थ्यांपर्यंत पोहोचाव्यात म्हणून स्त्रीविषयक ललित गद्याचे सूत्र केंद्रस्थानी ठेवून सदर पुस्तक आकारास आले आहे. लेखक स्त्री असो वा पुरुष, दोहोंच्या निवडक ललित गद्य लेखनाचा अंतर्भाव येथे केला आहे. महत्त्वाचे म्हणजे समकाळातील, म्हणजे साधारणपणे 1990 नंतरच्या कालखंडातील लेखकांचे हे ललित गद्य लेखन आहे. साहित्य, सामाजिक चळवळ, चित्रपट, पत्रकारिता अशा जीवनाच्या विविध क्षेत्रांमध्ये आपला स्वयंपूर्ण ठसा उमटविणार्‍या व्यक्तित्वांची-त्यांच्या संवेदना आणि विचारांची ही ललित गद्यात्मक अभिव्यक्ती आहे.
Lalitrang
-
ललितरंग आकलन व आस्वाद
₹135.00‘आठवणी’, ‘अनुभव’, ‘लघुनिबंध’, ‘प्रवासलेख’, ‘व्यक्तिचित्रे, ‘ललितलेख’ यांचा समावेश ललित गद्यात होतो. ‘ललितरंग आकलन व आस्वाद’ या पुस्तकात ‘ललितरंग’ या पुस्तकातील लेखांचा आढावा घेतला आहे. स्त्री विषयक ललित गद्य हे या पुस्तकाचे वैशिष्ट्य आहे. या पुस्तकात आलेल्या लेखातून स्त्री व पुरुष या दोघांचा स्त्री विषयक दृष्टीकोन वर्णन केला आहे. यात ‘मी’ अनुभवाचे स्वरूप सांगितले आहे. ‘मी’ ने जे अनुभवले त्याचे वास्तव वर्णन यात केले आहे. प्रस्तुत लेखनातून भावनात्मक व चिंतनशील अशी वर्णने आली आहेत. तसेच राबणारी, कष्ट करणारी, घर-संसार सांभाळणारी अशा वेगवेगळ्या स्वरूपात स्त्री चे दर्शन घडवले आहे. भाषा व शैली विशेष हे या पुस्तकाचे वेगळेपण आहे.
Lalitrang Aakalan V Aaswad
-
लेकरा! बाबाला गमावू नको
₹150.00काव्या नंतर थोडसं आणखीही….
मी बोलका झाल्यावर आजी सांगायची –
80 मैल आहे अकोला आपल्या गावाहून. पायी गेला होता माहा सिताराम. पायात चप्पल नाही, पण गेला. बाबासाहेबाचं भाषण ऐकाचं होतना त्याले. ऐकून जसा घरी आला. पहलेच पहलवान, त्यात बाबाचं भाषण, वाघच दिसत होता तो. त्या वाघानं काय केल माहीत? तिसऱ्या रोजी तुझा जन्म झाला. अन त्यानं तुझं नाव भीमराव ठेवलं. आजी सांगायची – त्यावेळचे बाबासाहेबांचे जेष्ठ पुत्र, आमच्या पिढीचे बाप, असेच होते निष्ठावान. धर्मांतराच्या आधीच देव देव घराबाहेर केलेले. बाप म्हणून त्यांचे नाव लावायचे असेल तर…. त्यांचा आदर्श, हिम्मत स्वीकारावी लागेल.
आजपर्यंत अनेक राष्ट्रीय, सामाजिक, शैक्षणिक, धार्मिक साहित्यिक, वैज्ञानिक, आदिवासी विषयक, कामगार, मजदूर, शेतकरी, जातीय सलोखा, पर्यावरण इ. विचार मंचावरून आंदोलनातून प्रदीर्घ प्रवास केला. या प्रवासात अनेक हात मदतीला आले. आई-वडील, लहान-मोठे भाऊ तुळशीरामजी, लक्ष्मणरावजी, बळीरामजी आणि अशोकराव तसेच सहधर्मचारिणी शब्दाला सार्थक करणारी, जगवणारी सतत साथ देणारी पत्नी मंदाकिनी आणि भविष्यकाळ बिनधोक करणारी दोन्ही लेकरं! साहित्याच्या प्रवाहात महाराष्ट्राला सतत जागृत ठेवणारे बहुआयामी मित्रवर्य विजयकुमार गवई ज्यांनी अनेक लहान मोठे कलाकार घडविले, जगवले. त्यांचा हात सतत हातात राहिला.
ज्यांच्यामुळे प्रेरणा व प्रोत्साहन मिळाले ते दादासाहेब तोंडगावकर. तसेच अशोकराव पळसपगार, राजेश लबडे व रवि चौरपगार यांच्यामुळे संग्रहाचे नियोजन सुखकर झाले. सतीश इंगोले, राम अभ्यंकर, दयाराम राउत, रूपनारायण, बडगे सर, बऱ्हाटे सर, राजाभाऊ इंगळे, डॉ. शेजव, डॉ. हिवरकर आणि रामदास ठवरे इत्यादींनी दिलेल्या सतत जाणिवा आणि सहकार्यामुळे इथपर्यंत मजल मारली. आणखीही खूप आहेत… त्याच्या शालेय शिक्षणापासून साथ देतोय संजय कोरे… शिक्षण व कर्तृत्वाचा उल्लेख करावा असे मित्र म्हणाले पण या क्षेत्रात बाबांची लेकरं इतकी पुढे गेलीत की आपल्याविषयी सांगणं म्हणजे सूर्या समोर दीपक दाखवणे किंवा ‘जुगनू चाँद के सामने’ ! ज्ञानदानाचे कार्य करता करता उपप्राचार्य म्हणून सेवा निवृत्त झालो. माझ्या प्रत्येक कार्याची प्रेरणा, माझे बळ म्हणजे डॉ. बाबासाहेब आंबेडकर हीच रंजल्या गांजलेल्यांची जीवन शक्ती.
ज्या बाबासाहेबांनी संपूर्ण विश्वाला समता, स्वातंत्र्य, न्याय, करुणा, प्रज्ञा व बंधुत्वाची भाषा शिकवली त्यांनीच आमच्या हाती जगातील महान अस्त्र-लेखणी दिली आणि त्याच लेखणीतून आज शब्दांचं अंकुरण होत आहे. हे शब्दफुलांचे अंकुरण म्हणजे माझा कविता संग्रह “लेकरा बाबाला गमावू नको”!– आपला
बी. एस. इंगळे,
‘चेतन’, परतवाडा, जि. अमरावती. -
लेखनकौशल्य मुद्रितशोधन व सर्जनशील लेखन
₹120.00‘लेखनकौशल्य – मुद्रितशोधन व सर्जनशील लेखन’ हा ग्रंथ अनेकांगांनी महत्त्वपूर्ण आहे. मुद्रितशोधन हे लेखन कौशल्याचे महत्त्वाचे अंग आहे. किंबहुना ती भाषासंवर्धन व संरक्षण करणारी महत्त्वाची भाषिक संस्था आहे. प्रस्तुत ग्रंथ यशस्वी, उत्तम मुद्रितशोधक घडविण्यासाठीच्या प्रयत्नांचा महाप्रयत्न आहे. मुद्रितशोधन कौशल्यासाठी आवश्यक ज्ञानाच्या बाजू म्हणजे मुद्रितशोधनाचे स्वरूप, मुद्रितशोधनाचा सातत्यपूर्ण सराव यांचा समावेश या ग्रंथात असल्याने मुद्रितशोधन कौशल्याबाबतचे अ ते ज्ञ म्हणजे हा ग्रंथ होय. मुद्रितशोधनाची प्रक्रिया, विरामचिन्हांचे मुद्रितशोधनातील महत्त्व, अचूक शब्दलेखन, लेखनातल्या चुकांमुळे होणारे अर्थबदल, प्रात्यक्षिकांसाठी भरपूर उतारे ही या ग्रंथाची केवळ जमेचीच बाजू नसून मुद्रितशोधनासंदर्भातला ग्रंथ कसा कमाल स्तरावर पूर्णत्व पावलेला असावा, याची साक्ष देणाराही आहे.
सर्जनशील लेखनाचे स्वरूप, त्याची अंत: व पृष्ठ स्तरावरून सिद्ध होणारी वैशिष्ट्ये वाचक व अभ्यासकांस अवगत व्हावीत, कथालेखनाची, नाट्यलेखनाची निर्मितिप्रक्रिया नेमकी कशी घडून येते हे त्यांस आकलन व्हावे, या विशुद्ध सारस्वतीय भूमिकेतून या ग्रंथाचे लेखन झाले आहे. सर्जनशील लेखनामागील निर्मितिप्रक्रिया, प्रेरणा, याबद्दल फारशी माहिती उपलब्ध होत नाही, ही मोठी उणीव या ग्रंथाने भरून काढली आहे. सर्जनशील लेखनाची पृथगात्मता, सर्जनशीलतेसंदर्भातील संभावित पैलूंची मीमांसा, भाषेतील सर्जनशीलता, कलावंतांची सर्जनशीलता, विज्ञानातील सर्जनशीलता, साहित्यातील सर्जनशीलता, सर्जनशीलतेची वैशिष्ट्ये, सर्जनशीलतेची अभिव्यक्ती, सर्जनशील लेखन करताना येणार्‍या अडचणी असा बहुआयामी सर्जनविचार हा ग्रंथ मांडतो.
भाषा पदवीधरांना रोजगार मिळणे ही बाब भाषा अध्यापनाच्या अस्तित्वाशी निगडित आहे. त्यासाठी भाषिक कौशल्ये अवगत असणारा विद्यार्थी घडविणे हे सांस्कृतिक कर्तव्य आहे. हे कर्तव्य तत्परतेने पार पाडण्यासाठी डॉ. संदीप माळी आणि प्रा. समाधान पाटील लिखित ‘लेखनकौशल्य : मुद्रितशोधन व सर्जनशील लेखन’ या ग्रंथाचे स्वागत आहे.– प्रा.डॉ. फुला बागूल
Lekhan Kaushalya Mudritshodhan V Sarjanshil Lekhan
-
लोकरंगभूमी
₹175.00लोकसाहित्य अभ्यासाची एक महत्वपूर्ण शाखा असलेली ‘लोकरंगभूमी’ आजच्या विज्ञानवादी युगात महत्वाची ज्ञानशाखा म्हणून पुढे आलेली आहे. मानवाच्या सांस्कृतिक उत्क्रांतवस्थेत लोकसाहित्याचा महत्वाचा वाटा आहे. निसर्गाच्या अलौकिक रूपाच्या आर्त आळवणीतून लोकसाहित्य जन्मले. व्यक्त होणे ही मानवी प्रवृत्ती. व्यक्त होण्यामागे मानवी भावनांचा कार्यकारण भाव असतो. भावनांची अभिव्यक्ती केवळ मौखिक नसते तर ती शारीर पातळीवरही असते. म्हणूनच निसर्ग पूजनाच्या मौखिकतेला शारीरिक अभिव्यक्तीने दृश्यरूप दिले. त्यातूनच लोककलांचा म्हणजेच लोकरंगभूमीचा जन्म झाला. रंजन करणे हाच केवळ लोकरंगभूमीचा उद्देश्य नव्हता तर उदात्त मानवी मुल्यांच्या प्रसारासाठी म्हणजेच प्रबोधनासाठीही लोकरंगभूमी झटलेली पाहावयास मिळते. धार्मिक विधीनाट्य ते रिंगणनाट्यापर्यंतचा प्रवास पाहिला तर संत नामदेव म्हणतात त्याप्रमाणे ‘नाचू कीर्तनाचे रंगी । ज्ञानदीप लावू जगी ।’ हा प्रबोधनाचा वसा लोकरंगभूमीने सोडलेला नाही.
– डॉ. अक्षय घोरपडे
Lokrangbhumi
-
लोकसाहित्याचे संशोधन
₹250.00लोकसाहित्याचे विविध आयामांतून संशोधन होणे गरजेचे आहे. लोकसाहित्य ही आमच्या आदिम जीवनप्रवासाची संस्कार प्रणाली आहे. लोकसाहित्यातून निर्माण झालेला संस्कृती स्रोत व शोध मानवसमूहाची ओळख करुन देणारा महत्त्वाचा घटक आहे; त्यामुळे लोकसाहित्याला नकार म्हणजे मानव समूहाच्या निर्मितीक्षम पूर्वपरंपरांना नकार ठरेल, त्यामुळे लोकसाहित्याचे बहुआयामी संशोधन ही काळाची गरज आहे.
– प्रा. डॉ.श म. सु. पगारे, संचालक,
भाषा अभस प्रशाळा व संशोधन केंद्र,
उत्तर महाराष्ट्र विद्यापीठ, जळगावLoksahityache Sanshodhan
-
वर्णनात्मक भाषा विज्ञान
₹150.00भाषा ही एक सामाजिक संस्था आहे. समाजाने समाजासाठी संदेश देवाण-घेवाण करण्यासाठी लोकांची, लोकांच्या माध्यमातून केलेली एक व्यवस्था आहे, तशी ती मानवेतर प्राण्यांपेक्षा मानवाची एक स्वतंत्र नवनिर्मिती आहे. भाषेशिवाय माणूस ही कल्पनाच करता येणार नाही. भाषा आहे म्हणून माणूस आपले विचार, भावना, कल्पना, संवेदना आणि संदेश मांडतो, स्पष्ट करतो. विचार ही एक मानवी अवस्था असली तरी ती प्रकट करण्याचे समर्थ माध्यम भाषा आहे. विचार जिथे सुरू होतात तिथे भाषेचीही सुरूवात होते. भाषा आणि विचार हे परस्पर निगडित आहेत. माणूस हा समाजशील प्राणी आहे. समाजाच्या परंपरा, संस्कृती, श्रद्धा, ज्ञान इत्यादींचे सवंर्धन आणि पुढच्या पिढीकडे संक्रमित करण्याचे व समाजाचे अस्तित्व आणि विकासाचे सातत्य टिकवून ठेवण्याचे अविरत कार्य भाषेतूनच होत असल्याने भाषा ही मानवी जीवनाचे अविभाज्य असे अंग आहे. शब्द, वाक्य आणि अर्थ संकल्पना उलगडण्याची एक शास्त्रीय दृष्टी असलेली कला म्हणजे भाषा शास्त्र आहे.
Varnanatamk Bhasha Vidnyan
-
वर्णनात्मक भाषाविज्ञान
₹175.00प्रताप महाविद्यालय, अमळनेर येथील मराठी विभागप्रमुख प्रा.डॉ. प्रभाकर ज. जोशी हे भाषाविज्ञानाचे अभ्यासक आहेत. उत्तर महाराष्ट्र विद्यापीठाच्या मराठी विषयांच्या अभ्यासक्रम पुर्नरचनेत त्यांचा सक्रीय सहभाग असतो. ‘भाषाविज्ञान’ हे त्यांचे अभ्यासक्षेत्र! प्रस्तूत ग्रंथात पदवी व पदव्युत्तर स्तरावर सर्वच विद्यापीठांच्या अभ्यासक्रमात समाविष्ट असलेले भाषेचे स्वरुप व लक्षणे, स्वनविन्यास, रुपिमविन्यास, वाक्यविन्यास, अर्थविन्यास इत्यादी वर्णनात्मक भाषाविज्ञानाशी संबंधित विविध घटकांचे अभ्यासपूर्ण विवेचन आहे. डॉ. जोशी यांच्या प्रदीर्घ अध्यापनातील अनुभवांवर आधारित अशी भाषाविज्ञानाची ही नाविन्यपूर्ण मांडणी अभ्यासकांना मार्गदर्शन ठरणारी आहे. एवढेच नव्हे तर स्पर्धा परीक्षा, नेट-सेट परीक्षा यासाठीही प्रस्तूत ग्रंथाची उपयुक्तता आहे. मराठी विषयातील अभ्यासकांना ‘वर्णनात्मक भाषाविज्ञान’ हा अभ्यासपूर्ण संदर्भ ग्रंथ प्रा. डॉ. प्रभाकर जोशी यांनी उपलब्ध करुन दिला त्याबद्दल त्यांचे अभिनंदन! भाषाविज्ञानाचे अभ्यासक त्यांच्या वा ग्रंथाचे स्वागत करतीलच!
-डॉ. शिरीष पाटील
Varnanatmak Bhashavidnyan
-
-
-
-
-
-
वाताहत
₹150.00प्रा.डॉ. अनंता सूर हे बहुआयामी व्यक्तिमत्व आहे, हे त्यांच्या परिचयातून स्पष्ट होते. काव्य, कादंबरी, समीक्षा, संपादन या वाड्मय प्रकारात त्यांचा वावर आहे. आता ते ग्रामीण कथेच्या प्रांतात मुशाफिरी करू इच्छितात. मीही त्याच वाटेवरचा एक पथिक असल्याने मला आनंद होणे स्वाभाविकच आहे. म्हणून मी याबद्दल त्यांचे मनापासून कौतुक करतो.
त्यांची कथा झरी जामनी, वणी जिल्हा यवतमाळ या परिसराचं प्रतिनिधित्व करते. दर बारा कोसावर बोलीभाषा बदलते. तिच्याबरोबर काही संस्कारही बदलतात. हे बदल सूक्ष्म वा ठळक असू शकतात. लेखक आपल्या दृष्टी-कॅमेर्‍याने ते कसे टिपतो आणि आपल्या लिखाणातून मुरवतो हे फार महत्त्वाचे असते. त्यावर ती कथा सकस, दर्जेदार, लक्षणीय ठरू शकते.
सूर यांची कथा अशा बदलांना धीटपणे सामोरी जाते. ती गावाकडच्या माणसांच्या अंतरंगातून फिरत तेथील सर्व प्रकारचे स्वीकार, विकार त्यांच्या सुष्ट, दुष्ट परिणामांसह पचवून समृद्ध पावते. या माणसांचे प्रश्न अनंत आहेत. त्यातल्या काहींना उत्तरेच नाहीत. कथा वाचल्यावर ‘असे का?’ असा प्रश्न वाचकास पडला तर ‘तसेच असते’ एवढेच त्याचे उत्तर असू शकते. अशा प्रश्नांतून सोडवणूक करण्यासाठी आत्महत्या हा ठेवणीतला यवतमाळी खाक्या इथे क्वचितच वापरला जातो असे दिसते. त्याऐवजी जिवंतपणी मरणाची जोड देणार्‍या दारूला जवळ करणार्‍यांचे प्रमाण जास्त आहे. अवैध गोष्टींचे दुष्परिणामही ही माणसं मुकाटपणे भोगतात. खाजगी सावकारी पाशासोबत खाऊजाही आपला दांडका येथील कास्तकाराच्या टाळक्यात मारण्यास सदैव टपून बसलेला असतो. शिवाय गृहकलह तर त्याच्या पाचवीलाच पुजलेले आहेत.
अनंता सूर यांच्या कथेला छान ‘सूर’ गवसला आहे. ही कथा दीर्घकाळ स्मरणात राहणारी आहे. एवढेच.– बाबाराव मुसळे, ज्येष्ठ कादंबरीकार, कथाकार
Vatahat
-
-
विचार आणि विचार
₹110.00हे पुस्तक लोकगितांचा अभ्यास अथवा संशोधनाच्या हेतुने लिहिले नसून घरात पडून असलेला ओव्यांचा मौलिक ठेवा घरात तसाच पडू न देता जाणकार वाचकांना समर्पित करावा याच भावनेतून सदर लेखनप्रपंच मांडला आहे. महात्मा ज्योतिबा फुले, क्रांतिज्योती सावित्रीबाई फुले व डॉ. बाबासाहेब आंबेडकर ही माझी श्रद्धास्थळे तर आहेतच त्याशिवाय शंकरराव खरात, प्रा. रा. ग. जाधव व प्रा. वसंत कानेटकर ह्यांच्याविषयी माझ्या मनात फार पुर्वीपासूनच आदराची भावना असल्यामुळेच अत्यंत लहान-लहान लेखात का होईना माझी श्रद्धासुमने त्यांना अर्पण केली आहेत. तसेच रामदास कामत, मा. दत्ताराम व हंसा वाडकर ह्या स्मृतिचित्रांना देखील मी थोडक्यात का होईना उजाळा दिला आहे.
– प्रल्हाद खरे
-
विचार मंथन
₹150.00प्रत्येक नवा दिवस नव्या प्रमाणेच उगवतो. नव्या दिवसाची पहाट म्हणजे सुर्य-किरण जसे तांबडे फुटते व दाही दिशांना किरण उधळले जातात ते किरण म्हणजेच प्रत्येक जीवात्म्याचे नशिबाचा डाव असतो. प्रत्येक सकाळी आपल्याला कोणते नविन पत्ते येणार हे माहित नसते. (संकटे, नवी परिस्थिती) तो डाव शेवट पर्यंत खेळायचाच असतो. कधी जिंकतो तर कधी हरतो. रात्रंदिवस आम्हां युध्दांचा प्रसंग, म्हणून वर्तमान जगायला शिकायला पाहिजे. कारण वर्तमानकाळात आपण चांगले जगलो, तर भूतकाळ व भविष्यकाळ हे दोन्हीही आपसूकच चांगले होतील. जीवन कसे जगावे यासाठीच हा लेखनप्रपंच!
Vichar Manthan
-
विजया राजाध्यक्ष यांच्या कथांचा आशय व स्त्रीप्रतिमा
₹150.00कथा निर्मिती आणि कथासाहित्याची समीक्षा व संशोधन यांचे प्रमाण तुलनेने कमी झाले आहे. अशा पार्श्वभूमीवर डॉ. शोभा देवरे यांचे कथात्म साहित्याचे संशोधन दखल पात्र ठरते.
संशोधनास पूरक अशी मांडणी, संशोधन साधनांद्वारे केलेला अभ्यास व नोंदवलेले निष्कर्ष, विवेचनासाठी आवश्यक असे आधार व विवेचनचा आटोपशीरपणा, नेमकेपणा या प्रमुख बाबी या संशोधनपर ग्रंथातून निश्चितपणे दृगोचर होतात. मराठीतील स्त्रीवादी साहित्याचे संशोधन व समीक्षा करणार्‍या प्रवाहात या ग्रंथाचे काही एक महत्त्व निश्चितच आहे.– प्रो. फुला बागूल
Vijaya Rajadhyaksha Yanchya Kathancha Aashay va Stripratima
-
विद्रोही कवी त्र्यंबक सपकाळे
₹100.00दलित साहित्यातील पहिल्या पिढीतील ज्येष्ठ कवी त्र्यंबक सपकाळे यांच्या ‘सुरुंग’ आणि ‘ब्रोकनमेन’ या दोन कवितासंग्रहांनी दलित साहित्याला-काव्याला नवे परिमाण, नवे आयाम दिले. कवी सपकाळे यांच्या कवितांचा व त्यांच्या वाङ्मयीन व्यक्तिमत्त्वाचा संदर्भ-उल्लेख जवळ-जवळ सर्वच दलित साहित्याच्या समीक्षात्मक ग्रंथांत आलेला आहे. परंतु त्यांच्या ‘सुरुंग’ आणि ‘ब्रोकनमेन’ या कवितासंग्रहांवर सूक्ष्म, तटस्थ, मूलगामी, वस्तुनिष्ठ, समतोल अशी समीक्षा-संशोधन झालेले नव्हते. ते काम डॉ. के. के. अहिरे यांनी ‘विद्रोही कवी त्र्यंबक सपकाळे’ या पुस्तकात केले आहे. प्रस्तुत पुस्तक हे दलित साहित्यातील समीक्षात्मक ग्रंथांत निश्चित भर टाकणारे आहे.
– डॉ. रवींद्र ठाकूर
Vidrohi Kavi Trambak Sapkale