सदरील ग्रंथात भारतीय लोकशाही, भारतीय संविधानाची ऐतिहासिक पार्श्वभूमी आणि भारतीय लोकशाही गणराज्याची व्यवस्था, त्यातील कायदेमंडळ, कार्यकारी मंडळ, न्यायमंडळ, माहितीचा अधिकार, मानव अधिकार, कायदेमंडळ, कार्यकारी मंडळ तसेच न्यायमंडळाबरोबर भारतातील नागरी सेवा व नागरी सेवेचे महत्त्व, नोकर भरतीची प्रक्रिया व पद्धती तसेच केंद्रीय आणि राज्यसेवा आयोग, कर्मचारी नेमणुकीसाठीचे आयोग, त्याचे कार्य व अधिकार यासारख्या महत्त्वाच्या विषयांचा समावेश केला आहे.

संसदीय लोकशाही या सर्वोत्तम शासन प्रकाराचाच आपण स्विकार केला असून तो ‘जीवनमार्ग’ ठरावा म्हणून त्यासाठी देखील आपण प्रयत्नशील आहोत. ह्या दृष्टीने प्रत्येक भारतीय नागरिकास लोकशाहीची मूल्ये, संविधानातील उपाय योजना इत्यादींची माहिती होणे आणि असणे आवश्यक आहे. एकूणच लोकशाही व्यवस्थेस पूरक ठरणार्‍या घटकांची माहिती देण्याचा व त्याद्वारे जनजागृतीला चालना देण्याचा, त्यातून लोकप्रबोधन घडवून आणून आवश्यक समाज परिवर्तन होऊन खर्‍या अर्थाने ‘नागरी समाज’ स्थापन करण्याचा प्रयत्न या ग्रंथाद्वारे करण्यास मदत होईल. म्हणूनच या ग्रंथाचा हेतु चांगला नागरिक घडविणे हा देखील आहे.

Bharatiya Sanvidhan