निसर्ग सौंदर्यांची उधळण करताना परमेश्वराने विविधतेने नटलेल्या विशाल भारत देशाला अतिशय झुकते माप दिले असावे असेच वाटते. विविध प्रकारचे निसर्गसौंदर्य भारतभूमीवर सर्वदूर सहज उपलब्ध होते. हिमालयाची बर्फाच्छादीत शिखरे, हिरवीगार, शंक्वाकृती अरण्ये व निळ्या छटा असलेले सुंदर डोंगर, मसूरी, अल्मोडा, नैनीताल, पंचमढी, महाबळेश्वर, कोडाई कॅनाल व मुनार सारखी थंड हवेची व गिरीस्थाने, कित्येक किमी लांबीचे समुद्रकिनारे, रुपेरी वाळूचे बीचेस, एकीकडे वृक्ष व प्राणीविरहित थरचे वाळवंट तर दुसरीकडे घनदाट जंगले, वन्य प्राणी आणि लक्षद्वीप व अंदमान निकोबारसारखी सागरात हिरवीगार पाचूने चमचम करणारी बेटे इत्यादी विविधता असलेल्या भारत देशाला धार्मिक सांस्कृतिक व ऐतिहासिक पार्श्वभूमीदेखील लाभल्यामुळे देशी व विदेशखी पर्यटक आणि भाविक मोठ्या प्रमाणात भेटी देतात. अशा विविधतेने नटलेल्या देशातील पर्यटन स्थळांची माहिती राज्यवार देण्याचा प्रयत्न केला आहे.

Bharatatil Paryatan Sthale